¹ Pena hefe,wa Yakobus,Tata bapoke tena Yesus Kristus,kiliko teba dua belas suku,kapa likole fito upa.

² Jepa,lala hupala,name pung meme koko,hanara ehako ekona. ³ Elokoto,ari tefi ing,name pung meme koko tata wofa hefefa. ⁴ Mepepa na meme ing me narepa meru telolo,ja naura lewawa nemene kato. ⁵ Hanara teba kau,hoho tarijaka ing,peanya kerawo kewatete Tata(Allah)fefe ing kekeleti bahafa,hefe keke ing ke ke leti. ⁶ Fefe kewawali ing,hupa pung ke kelete Yesus ke fufuf ka teba hupala nerowo ing,teanara ti toto fe kati ing kato kati kate. ⁷ Teba hanara ing,merera Tuhan jana ung kewe lele ra tafa. ⁸ Teba hanara hupala tete ing hanara le jemotete jalelepa luma pe pemoto tekeng nepai tete.

Kekayaan Sebenarnya

⁹ Meba ne meme mepeko mepa ko ing ba pepeing meteketi ja hofea, ¹⁰ Pa teba jalelepa fitowe.te heto jaeti kofata,hanara hepa tapa pa peja mama to. ¹¹ Hanara rang jala eti totole,ka kelekerape pa,hepa pepe ing rape i pa heto,po pepeing lete,hanaira teba ka nawo fitowe tehana hepa ing luluha to.

Ari ing Tata no Keloki Kah

¹² Teba hefe ing ja fefe tepa ing te nafe fa terere te,hanara kefute hefe ing ke wowo fefe tekefa nekeke hana wowo fefe ing tata maa keleko koto,teba hupa pung mahkota Tata ke wofa. ¹³ Ja fefe tepa te no meme pi ura mapapa ka,"Niwe Tata Ari koloki"Hana ing,Tata ke batifa japopo ke lala hali pa Tata kewofa baura janopa fefe mepapa kape. ¹⁴ Hanara jafefe mepa,ki mewofa me pepute hi hupala meme wofa. ¹⁵ Jano pepe ing memapeko, nape pe bapale umpa,upa palewa nelepa mepepete wefa ito. ¹⁶ Peanya jopa lala loma fe elala ka. ¹⁷ Ja nopa hefe pa jalelepa hefe ing pewato hofea,wa Ai heto wa fefe lopara koka. ¹⁸ Hehera taka,ja leng ra ka,Wa Tata keloa neba we kelelata piti keke(Firman)ura nebawe,ne bahu wa jalelepa kelela foa.

Lemepapa Tata Pina Ke Mema Mama

¹⁹ Jopa lala jawe efofo neba ing le ing kokofa,nerorate pa pi ing rere ne,tete,te pa,lomo ing rere fafa. ²⁰ Hanara teba mepe ing Tata janoke mepete pake. ²¹ Peanya ja nole ing mepeja tete,fefe ing meperabibipa hupapung mepepete Tata pikite te nawawa hupala meme,pea mepepute letu meme hehefa ²² Hanara teba Tata ropoke tafopa,te hoho ing teripa jano pepe teri ing. ²³ Hanara teba tahapepe,pelafo eto tampaja ²⁴ Hanara tahing pefokoke,te pepefata hana ne raha pepeing. ²⁵ Peanya teba haha pa api pepe tela hohofa ing,hoho bamunya teba ing telahahofa,teba ing lefa teriri kate,tepepe rakate,pe Tata pefeke pepuwa na ifa koko,tebai Tata hefeke kele kehe lipalatete.Pa Tata jakona pere eto.

Ibadah yang benar kepada Allah

²⁶ Hanara teba ing teni teba bamua,teba to teba fefe lupoja ke lulipa ele'pa'pe kekeing piti fefe fa kalaile heing pa,teba hana ing one tefa netete hupala rerafa. ²⁷ Ibadah hefe pa neleka ing wa te tata hoke ke,pe hanara teaka wawa pa teba toto hupalatete,tetu wate ura napara teba kau pitife telala ka.