Pasal 5
Piti Kelate Teba Japa
1
He eba japa neelai ua bawe yo elepa tete jafe waeto,lewawa nepara ee.
2
Ja hefe lelepa moto ne memeing,o ohto,romehe moto ing hampu tatang te.
3
Noja tale motoing hi wawato,peanya no ong meme,pepako hete noi pa,rere fata,nememe pepako hanara nya.Jalelepa mefuko ba meme pe.
4
Le,mepake teba jano re ete lehe meme,me mapela bakopa omefa hina fewako te Tata lo keke.
5
Fito we,mepe mepe menaka pofa,jalelepa wa,ne meme ne meme toho nana hupala meme,ong nawo mefa,peanya ba pepe meme meme tejjijite.
6
Me rang befe teba hefe paote,rerepa keing me kenaki ko.
Pung Mema pekoko Ja fefe lewaeto
7
Penaya,jopa lala pung eha peko kuu Tata fetele bafea mekapete,keba leheba jale kewako,jana hefe ke lele batoi jana hefe ke lele,nya pung ke kapeko foa pa foma.
8
Ero pung ehape momo hupala mepeko eko,koko kuwale pang Tata telele wale te lalapa.
9
Jopalala popo eleleka,mepa teba kau-e ma kelele kale mekapeto keba keho kewe iite ing,kerule tilu.
10
jopa lala,mehara mepano,ja fefe lewaetoing,mepepane,mepa pung memape mekape Tata napake piti telaete Tata batike.
11
Bamua wo,nero koto teba bamua lakete Tata pung hefe ing elona bapoke Ayub pung keke hefefa,kehale Tata pitike,peanya wakoto Tata hupala keke hefe keke hefefa ko.
Cang Mefafa ka
12
Peanya,jopalala lelepa ing cang efafa ka,hanara elote petapa,fitowe na,raa pa kepa,haa,bau apa,mepepe,bamua ompa mepopo oh,ura me ari kelokiki ka.
Cang Pa lopopo Wate Teba noe
13
Hanara eba kau enoe?Nole kelepa.Hanara ke wenaka faele,hefe peanya jaramena kelele.
14
Eba faing,bau kenee a?Peanya mepoko teba huhu teto lupopo ja tete.Ura lupopo jatela,hapa ing tejofa ne pa Tata batike mepapa.
15
Lupopo bamua ing,pe mewala hupala hefe peing hefe lewa keba noe ing Tata ke keke etitile.Hanara nole kele ing Tata epi kelelepa epi Tata lele.
16
Peanya,ewowo nole eeing,ewako Tata hefe hike kepake jojo lupopo eleko,nehaii.Lupopo jaing bamua tewa ing,nafe pepe bapale wo.
17
Elia,kera hana neba wea.Lupopo ja kele,hanara bamua-bamua wo,hanara foa hitete ka.
18
Kampa,lupopo kera lepa peta oa kelapa fau maheto,pari toto jato nato.
19
Jopalala hanara kebau ne,keekelapa teba kau pi teheko,kepoto ing,
20
elolo bau keba ing keleko ketepo ing,kemeto he loma hefe,ke baing Tata epi keke bapa le wo,etefe nepara keke hefefa.