Pasal 9
Jeng tangle fitong pa petang
1
Pilona [era lolo moto lupong pog kang pa jeng towo teba janore.
2
Ja tetopiko mototo pa ung jeng hololo keing fujeng pa tangri pa ko tetepiko moto jeng ing jeng to.
3
Rokeelo pepe la hitung pa ing teni jeng tangle,
4
keing jeng jako teraete jeng tanle roto teni kote tupa naperute tangetetopi ta ta waroto tekui pa jeng hapa tepepe ing jeng tangle jajong mana Harun rito tongli wung ropo nati po tetekote.
5
Ra pepe ing bo pepe ing jaleng fefe pea poko pe ing piteteka ung ang teji afa.
6
Keing jano jeng tangle tewei teba pohang tekeng pa mele to wo tekeng pa te lupong pog tete Ee.
7
Pa lahing tung keba tete kewofa felengro aling hi jakefufu nekeke wo jafeng feng bapa tetemote pa tefojangka.
8
Peanya keba tanle kelongkoto loma angle pejekakoto wa pa lopana koto,
9
keing jaleng ung bang wa ing jana teroni japa hefeng raka teroni wa,
10
nawo ing jajong pa pa japa lelepa telote pa jakang kang moto teni nemohofa wako bang nati toto to.
Tata oke keing kakewekato pa janati
11
Tata oke keto ana nopara keba tete keto japa hefeng petoto to kelelepa tete hefeng peing neba nopa neteka ana japa ung ang weka.
12
Keng to la aling to bang keto jeng fefe hi kekatoka jako hijako japa hingtung pa hikekewo keingpa noleng nokeangfa pa kemo.
13
Hijako baleng jako baleng hitung bahu to patelote jako bahu nopara tete ja areli pa teba fefe nepara nati.
14
Tata oke hi keke ing fefe pa batoto neke keweleng reke ana jana hefeng wo hupalang kelole hupalang nene janopa pafeng- feng pa ne lupong pong netene Tata kewofa.
15
Peanya keing kemelele ja loma nati teba kelongkote jeng hefeng tewe wete kelongkote kewa nopara nene janetemote wa kelong koto lopana.
16
Kene ropo ete pinete keba wa pinetete keba ropo kele.
17
Ropo nati bamua ana keba ropo wekoteing kewa ke feng ana ropona eto.
18
Peanya pilopana peing teheke wa hika.
19
Musa kelong ropowa bapa keko jako hipa ho ele ritopokele hoho ropo ing wa bapa keke
20
kewe hi kelongko pikele Tata kelong ne."
21
Pa pa jalelepa lopong pog hipa teote.
22
Ja pa i tupa telote wa hoho pipe pa hi ana hika hefeng toto kato
23
Jalepa jaleng moto jeng fefe tetepi hofa jalelepa mote jeng fefe jana hefeng peing hefeng wa ke ing ang.
24
Tata oke ke jeng fere kekengka teba janore keing ana leng eo baua nya pa wa jeng fefe wa Tata jengke tenepara nene.
25
Kewe kete keng ka lalafa nokeke kewekato ana keba tete felang ro topa kekeng jeng fefe hi ing hi kereka.
26
Noing pa ke lalafa reng-reg kewewa fitong lewang pa ung ang la aling newenalung wa fitong hope noleng kejojo wa nepara keke.
27
Bapawe kelong newung wung teing la aling pa nekolelele,
28
Tata kewo nopara keke keweleng bapa noleng nene pa noke kewenalung la aling neleng kewe ku hefeng keweleng neba kenenonete.