¹ Ja ung ang pinete ing keba tete nene kemele nonalo fujeng tete wapalone." ² Ja kenalung le jeng fefe pai fengra kawo Tata wo pa kele teba tera. ³ Wa teba robe tete tenikoto jana teroni peanya Tata long kera jaung jana hefeng keweleg lengle. ⁴ Kemele fitong we ke bapo kelelekale kewe bapa jana teroni wa hoho ropo, ⁵ jano tete ing ana baleg pa leng oo ana jamoto jeng ro anara kelong koto Musa ana ke pakeweku Eengmomo ropo penukote jalelepa mepemote ana ja kenallung me koto peho. ⁶ Ung ang we jano ung kewe hefeng wo ke kewe kati kelong ja fefe wa ete pikele ete howo. ⁷ Kelong koto lopana keing hefeng ka tejuraka la hifung. ⁸ Tekelepa kelong bamua nilo bang Tata hoho ropo penu jang nati nile wa bapa Israel pa bapa Yehuda. ⁹ Bang pinile nilong jobe pa kamati tetepo notete no nila tenia mokengre Mesir hegtote te hefeng teteka pine terika teni haju hoho ropo penu. ¹⁰ Keing pinile panilong bapa Israel po ing hoho ropo penu pitininewe niwe. ¹¹ Ikoko hupapung tete pa niwe Tata tete pateing bapa nine. ¹² Ni pupape nine niwe ikoko.Jano feng feng tete ni ong ong ka. ¹³ Pikile ropo nati lopana kelong pa pikele baupa ja lewang baufa pa rong watopa ketakuku le.