¹ Hoho reng-reng peing leng Ee moto bang toto te peing wa jaloma ing pewo peanya ja nero teng felang ro topa nereteng pelong wae hoho reng-reng peing jara topipika to teba toto lotere. ² Jano ing bamua teba tejako teronini kate teba lupong pong te ate terika keing noleng telote la aling pa wa bang bang. ³ Jako ing ang felangro he eto teba teni ete keing noleng moto. ⁴ Jako hitung ing hi pepe noleng pejojote. ⁵ Keto fitong pa pikele jako pajana peing nipung teka nepara meme koko ni. ⁶ Jako terara pa jako noleng memapung mepung. ⁷ Rinilong bamua nile waropo kepa potekoto nonine jano meme nile lele. ⁸ Keme ho pa kelong janapa jaele leng jawara paja nuleng pelote me pung toka pame ana meong me fata ana teroni wa reng reng hohope. ⁹ Fang fang bamua nile jano meme niele le lopana. ¹⁰ Pung keke nene fefe la aling wa bang bang jana Tata noke. ¹¹ Wa peleng wa keba robe bang bang jano pe pelong wae jako aha aung ana aha pepeka keing no leng pejojokato; ¹² keing jako aling keleleng no len kemena ing meme bang bang Tata nopalo; teba fefe keweleng. ¹³ kemepa bang pepe kekong i teba kehufeng lang pa kekaja. ¹⁴ Wa jako aling ke hefeng kele bang bang ¹⁵ Loma ing keba pepeba jana kewena lung ne, ¹⁶ "Ana hoho ropo kewe koniweleng te bang ing ang hoho ropo kelong ni jang nifa hupalang tete pa ponile hupalang pung tete. ¹⁷ Noleng hu niongka pa jano feng feng tete. ¹⁸ Janopa ing pa hefeng eto jana noleng ra pepe kato."

¹⁹ Eba hola Tata hike nepara nene nafene nekeng keg jeng fefe, ²⁰ ke loma nati keweleng kemele ne wa hang feng nopara keke, ²¹ ne keba rope tete nene Tata keba parobe, ²² peanya newe takoko janetong jane none kekelong keba hefeng. ²³ Elo epa nemone Tata hupalang tololopa hefeng pa huhpalang nene keloleko to, ²⁴ elo epane newepa nelafofo pa newe tajing noja nete wajano hefeng, ²⁵ no hang bang nenane neka jeng lupong pong nene ana teba fakaug elowe epane fine ninrung pa nafeng janete Tata bang ke Watopa. ²⁶ Ana neteru ko noleng nete ana jaing nero wa ja bamua peanya jako tekeko noleng ing kelolele. ²⁷ Moto ing teba bing nofeng we reng-reng ra fengto tebapa feng feng teako ete. ²⁸ Teba Musa hoho ke tewe taki keing reng-reng kewe kewa wa jano teni teba hingtu na na hetong. ²⁹ Reng-reng tewefe ke Tata oke kelong hi ja areli kelong kote pa keba fefe kenaki hefeng. ³⁰ Ke nefo tang pa pikele ana niwe leng leng peing koto teniwo pinile pa niweleg te pa Tata bapa kekikile. ³¹ Rowo bamua nei Tata no ongke. ³² Eeng momo bang petefoa po fefe heto eke feng nawo pa eme po jana feng eweho. ³³ Hefeng bang jano pa maki bako tete teripati po bang ewe reng-reng tete na wea." ³⁴ Bamua era keng rela reng-reng teba feng ana jaheng long Ee tere E janopa ing ewela hupalang hefeng elo e riha hefeng anara momo te. ³⁵ Peanya ja hefeng elufafaka hefeng pe ete ing ang. ³⁶ Ee ja hefeng eheng ana Tata janoke hefeng elo japa hefeng ewe. ³⁷ Ana katale bang kaleleka ketotole keto bang keke ke kene i le. ³⁸ Teba nine hupa pung hefeng tememete ana no keka mona pung ti ke ing ni pung toka." ³⁹ Newe neba nemena fang ka pa neha neba bamua nemete.