¹ Hupa pung ing nafeng wa japa lele pa nenone te jaha wa nefoka. ² Wa hupa pung jebe pa kamati nene. ³ Pung nene kelo fitong we Tata lelang ja nefo peleweng wa japa nefoka. ⁴ Hupa pung Habel ja keweneng Tata jana hefeng ana Kain wa loma ing ke ing pa keba bamua keingpa Tata pung le.Jana hefeng keke ma pung keke ke pikele pa kewa wa. ⁵ Wa hupa pung Henokh keme eti ho kewawa loma ka kete fika ke Tata keke kame eti ho keme etika ke nopa hefeng keleko Tata pung E. ⁶ Hupa pung ka keing keba ing ke Tata pung eka ba kepati Tata kepa ing bamua-bamua keba mejumepe. ⁷ Wa hupa pung Nuh ke Tata loma kenalung wa jano tukele bapa pai tupa wa hupa pung reng-reg heto fitong pa ke kelong ko japa efeng wa hupa pung. ⁸ Wa hupa pung Abraham kepa po ke kelong keti bame kewewe le kewe ko ko bang bang pa ketiti jeng kewewele jeng ing jeng toto pa kera titi jeng ing kewo keloka. ⁹ Hupa pung hefeng kemo hato kelong ko kemeti me teba hangtote kele i ing ang kelei pa tena Ishak pa Yakob 'teba bang-bang wa pilele la aling, ¹⁰ kemopa jeng kekong i jeng tete nafeng Tata kewo le. ¹¹ Wa hupa pung Sara nafeng pa bale pere fe nepara baufa penope penu pewo piti pewa nya. ¹² Peanya wa keba aling pa keba ung kewa tong pa kebale nawo ana ha moto petang pa hagto moto bang loe nawo tetajika. ¹³ Wa pung tete tebing ko ana teba ja tere kelong konya wa hang bang kefo noteli teba kengji ke ing keba kang keto fitong wea. ¹⁴ Teba pitete teni te pung to tete ung tejuju. ¹⁵ Waloma ing ang hagto tete te eng jawa eto peanya temete tete hupalang eto. ¹⁶ Te pung te hag to tepung to hag to na hefeng tepung to hagto aling koto ho,Tata keba roka kaka keteni Tata tete ke jeng tete ketepiko tete e. ¹⁷ Wa hupa pung Abraham ke oke Ishak kekeleng pe ke longko. ¹⁸ Ana kelongko bale bapa wa Ishak pe kelong koto. ¹⁹ Hupalang ke ong Tata jana kewe leng bapa wa teba bang ha kelong ko temete lolo jeng aling. ²⁰ Wa hupa pung Ishak kekaleng wana tote jana ke weleng Esau tena Yakub. ²¹ Wa hupa pung Yakub kewa wale bang ma kele teang ko kek ke hig tung Yusuf tunge ke bang le pa kenalung rito robe pepe. ²² Wa hupa pung Yusuf kewa wale bang pikele pai keke bapa Israel ke long pikele epa pa ja moto. ²³ Wa hupa pung Musa po meke pe tang ha a ke teke reng ke he tong teba huhu keke teka reng te ko ing feng ra kako kawo pa keba tete pikeleng heto. ²⁴ Wa hupa pung Musa kehuke tete Firaun eke ing ke ong ke. ²⁵ Ke pung le feng pa reng-reng kewe ku Tata bapa ke anara kemo pa pikelong neke ke noleng, ²⁶ ke long ke tenaji ana Tata oke ke ing keba japa nawo fa ta ana bapa Mesir ja heng longte.Hote ing peko jana. ²⁷ Hupa pung keke keme Mesir keng to keba tete reng reng kewei kefuka ke mepa ke kong ja kefo anara ja kefolang ka. ²⁸ Hupa pung ke pa kekeleng tejung pa hi kelole ko bahu te haha pa no tero lala ka. ²⁹ Wa pung tele ja ole anara teja hang to epe anara bapa Mesir te oo hete tera la ung tete. ³⁰ Wa pung pa kang kag jeriho ban topa hepe pa toe jeng tete ing tewe tupi bang na pang heng-tong. ³¹ Wa hupa pung Rahab pe ume jano pa pete ing pe feng pewe ka wa bapa teba jano pa feng feng ka um pe teba japa piri lo laete pe ro no hofa. ³² jara ni long le niwe bang ka ke ni long Gideon Barak Simson Jafta Daud Samuel pa teba pai robe, ³³ hupa pung tete tepa bang bang tefo bamua tewe jake long ko nake tafa lang o tete ke mu ja teni ko nya nake tafa lang o tete tepe, ³⁴ ra feng te wung tehefeng tewe ping loto pa nefeng tewe wa ekung pa to nafeg wa ping te jang te teji fang ping luto bapa ta remo teba ja jeng hong to. ³⁵ Teume bapa ing te tere tetu meto teba big te telefote pa bapa kaum tero jate tetu paji pa tere fe pa teja long no hefeng. ³⁶ Teka ung tenaji maki tefu no'a tete terekeng te pa. ³⁷ Ja tero tag pa te jag pig pa teme no fee wo ro tete jako ro pa feg wo tewe e jafe lepa ka teno e feg tewe. ³⁸ Fitong we hefeng te koka te japa ha e hong tete pa pe ka teme wato pa pe wang. ³⁹ Bapa ing jale lepa ka teni ko nya anara hupa pung tete tewe ni pa jana hefeng tewe wete. ⁴⁰ Tata japa hefeng kewe leg none ne neweka te jang fo tejako tete juju kate.