1
Newe teba nawo nefe tang ana atu nea totang kele kemake emerewe lewe japa feng elo imomo no leng pa reng reng etokotone.
2
Elowe janopa we luto wana Yesus,a ne kakati neme hupa pung jalewang ke ung ang bang kemele nipalo jata jeng ete kote.
3
Kefa Yesus eng koko pupa tekele reng reng kewero pale keweku ne keke wa teba noleng pa e no pepe kana hupa pung ka.
4
Wa lulu popong nolong kepaepe ehako lupong hi.
5
Epeng na jakena pungpa ke long Ee ana kelong te angko me ing koni ne jaweme pong atale Tata pinake.
6
Tata jakena lung neba pupa tekele pa keteba kekipa ke pungle ana kokeke."
7
Ana e reng-reng ewepe mewe Tata long ko keke keneko ung reke janolungka?
8
Jafeng elupa ana teba teba tewe tujaete eing koka pa koko bamua.
9
Wakeba ufa bamua ne bamua pa tene pa newenela koko Ai pung pa lelepa pa ne meme te?
10
Nejatena rung bang rifa ana ja tefote hefeng pa kejakenalung ne hefeng nene pa ne meme jeng keke to.
11
Bang-bang ja areli poing bang keweleng ja ing toka japa hefeng pa ja feng ra wana tote jana hefeng wa pepe wa teba ja kenalung.
12
Peanya nafeng mepepe no pe lambilete,
13
loma tololo me tang e keba eing reg ke khi ti ke ing noha ee.
14
Me peko hefeng mepepe teba fefe mema momo ana fefe baungura Tata mefofo ka pe.
15
Meme meme baung no keweka mo Tata jana hefeng ke ana jale ete hang ling tang go feng feg wa teba pa.
16
Teba pung feng heke pung feng rifa ana Esau jana keke lopana jata kele ja jong jeng aling.
17
Elo fang fang ana jana hefeng ing keteke tuju ke bag hefeng ra keweka kete pipi ja feng kejuko lupong tajo