¹ Metobe mepe hupala meme,momo jopalala! ² Mepeka ja noja mepepe tebakau hanara mepe naia umpa teba hanara mefopaka,teri moto tebafapa. ³ Me engkoko teba rere wejujute merawora,eba rere wehuhule meakoko tebakau janofefe tete ete,notete erawora eleile fitowe. ⁴ Peanya ebara jano hefe ele opo eepa pire eluwewele,nole eleleka,tenme lele i pa janopa fef ing kelafofo Tata. ⁵ taimbe bapo eleleka memepeko hpupapafa hanara jamoto me,"Peapa kelokoto ropo keke,ni banera menoniafafa kale.Meni kofafa kali" ⁶ Peanya bamuawo epane pi netoto,"Tata kei,ni tota kele,nifufu kale.Ja hahafa neba netenah nokeke?" ⁷ Himpa hanara eba robe-robe ing ea,ropo ole Tata ke kelekote.Ee te mefememe,ba petete pa elafofo hefe tete. ⁸ Yesus Kristus ing halalafa bang nah ua ba wena,wakote,repabe. ⁹ E,o tefafa kaloma nati,tenaro bamua ing hupala ee ing eleko nafe,hefe keweleto,jajoi ka, e hefe jana peweno,teba keho teweikoto. ¹⁰ Niwe,kapo ali teba pa jano reete pai Tata ke,jajo ing te Tata kate jamoto to ing. ¹¹ Jako ing tereko hi i pepe teretute renini keba too,tangkeko teba robe bapale,nele kejo pa ratete pelofea. ¹² Peanya Yesus rere keweko pelo tilo bapale,peanya teba paa ing hi teekepa tejojole. ¹³ Peanya,elo epane nene kemole fata pelo pa piti fefe kewe kuu. ¹⁴ Peapa,epane jee netenene moka epane,bame tuu netene nete.Peanya bame tuu,necuko petewea. ¹⁵ Bamuawo,peanya elowe kewa,bamua peanya panawo epane reetete,Tata hanara katikeke kepino tonene. ¹⁶ Peanya,epepengka janohefe elele pa jamekope tebakau hefe wa hupala meme ing pea Tata kepule. ¹⁷ Le,elalakoko teba rebe mepapako,tea me totang tete letu meme hanara tea me tefiete.Peapa lomaing terela topipa fa popo tete te kate lemaing me hefe pewenunu kato. ¹⁸ Lupopo ja,mepe pelowae,mepekoto ne hupala nene we bamua wo,hupala nenewo,hefewo wa jalelepa ni pule ne ee ing hefefa. ¹⁹ Hanara bamua wo e ing pini nalo,ura e jano i e lolo ura,niwe tekokofa telke nitete ewo. ²⁰ Peanya,Tata pepe keke pa hii batoto ne kele kameti wa tebabi kebarobe Tata keleko te,teba ko keke Yesus Kristus,Tata nene. ²¹ Kea nebawe tedo pa tepiko ra hefe pa jano keke meroro.Hanara hupa pung keke.Pa jano ing mepe meme no meme pa ja nahara hupa pung keke.Hanara oke Yesus Kristus batoto bapalewo,ko naiafa wakote repaba.Amin. ²² Peanya,ahilo elolo ropewe,ni lote elolo elola hupala hefefa hanara atalepa ropowa nileko te ee. ²³ Nile elolo Timotius lala ee ing ke lokeka keti,po ketoto le baing.Ni re epa kepa nifefele. ²⁴ Teba jawe elotete tebarobe e epa teba kau ehupala ali.Tabeja ewewe wa jopalala mete Italia. ²⁵ Epi keke keweleto eh totang kele tupa.