¹ Tehe kemerdekaan, Kristus pewe newe pewofa. Petehe ing, eru nafeng ruru pa pung tutuka kuk perbudakan tewefefeka. ² Leelae. Niwe, Paulus, kelengte ewe pea ana ewe sunat terere, Kristuske ewe pungtuka te ewe. ³ Fang-fang ra, niwe leng-leng te neba tuho sunat tere ke Hukum Taurat pe kelatepa nalungpapepe. ⁴ Ana ewe teena ko tehe bamuang lengma Hukum Taurat, memumupe pe pekotu wa Kristus pa ewe efengpepe ewei. ⁵ Wa Roh pa iman, tejeng ete-jeng ete punglewo tehe bamuang. ⁶ Pea, ifu Yesus Kristus,sunat tete na tetekana sunat pejanaraka. Ana iman kejanole kele wa nonete penapa. ⁷ Ewe ehatala efeng. Meba ewe tokele wa elakole bamuangpepe. ⁸ Tefaja ing wa-Ke tuka kea lengko ewele. ⁹ ''Ragi jatale petuko tepung nalungpa pe e.'' ¹⁰ Niwe ja niwekotu pungkelekole ewe emumu Tata pea ewe hupalang hing ewewekale. Pea anara, meba ewe kekapataku hukuman kewewele. ¹¹ Pea Joke-joke, ana ni lengte sunat, jatuko miwe teketupa janolelepa tete? Pea anara, wung tejitafiete tehekotu salib pe tewenapongte. ¹² Niwe pungle tewe ewe ing tepoji ne e e wo kebiri elele. ¹³ Joke-joke, ewe kelengko emumu merdeka. Pea anara, mepepeka merdekameme ing mepe ko ana long memumu na, peweana teba me janomepe te teba hing walapung etawo. ¹⁴ Pea, Hukum Taurat pe nalungpa petehetepa ifu firman aling kawe, ''Nomepe ewowomeme neba anara nememe wo.'' ¹⁵ Ana ewe ewowo keng eha pa eanghete, eengmomo-engmomo pea ewe petakukuka. Roh Kepungkole kewepukole ana Na Pungheng-heng kangkole ¹⁶ Pea, niwe lengtete emumu Roh , ana ewe janoelelekale ja-ja uta na pepungtu . ¹⁷ Uta na pepungtu pe ana pepungtuka Roh kepungkeke pa Roh kepung kepungtuka ana na kepungle, anara te hingtung tewehehe ung ewe ja-ja janoelelekaewe pungtumotu. ¹⁸ Pea anara, ana ewe Roh elekakaile, ewe Hukum Taurat eperupuwaka. ¹⁹ Jano wa uta nape pe peng-pengfa, peana neleng uta, teteho, uta wahupalang, ²⁰ bate pinetengnete, kuasa lopanglo, nenaninete, tebanebangtepafunete, ja pungtu, tebanete-nete janetepate ne nenera nefoka nekotenete, nehekenete, ²¹ Hengnenanete, tahangtu-tanghatu, jaungnewepa newekanete, Niwe nilengwefa jaingkapa, meba ja-ja ing janomepe Jeng Tete Allahke mepepekape . ²² Pea anara, Roh to keke efeng, newenakanene, pepe efeng, memapekoko, neleite,efengtafa, pung ewo, ²³ Ne etafa, pa ne mefomeme,Hukum hingka ja-ja we pipewawiwitu, ²⁴ Tewe ana temete Yesus Kristus pewe kekaetile salib na uta pea lelepa uta pa ja pungtu. ²⁵ Pea, newe mute Roh, efengra lengwaetu Roh. ²⁶ Newe eleleka teni newe nenarungnete, newo pinehenete newo ja pungtu