¹ He Joke-joke, ana keba kalakole ketefi jaung kelete feng, ewe Rohani eleko keba ana ing kemuputu ke ekela roh etafawo. Eheng e-eheng e ung ewe ewo eiherere elalaka. ² Ewowo janoele ja elehumotu ung ewe hukum Kristus elatepa. ³ Pea ana keba nekekekefote kewofa efeng, peanaing peraka, ke ne kekewo ongkefa. ⁴ Eba tuho elewe ehule jamepemotu nememewo. Petehe ing, ke kalengte nepara kewoke kefo ne kewena hoete pa peana ahakelena teba hing peka. ⁵ Pea, neba tuho ja mepekotu mewo mepemu. Memutamumu Janomepe Ja ing Efeng ⁶ Meba jamenapung-pungpe mepe wa firman Allah me memame mekopepe ja efeng ing tena teba janarung ete. ⁷ Ong teheheka. Allah nameeeka peana teba jatewuwute pewa janya ke wa. ⁸ Meba jamepu wa uta nape mera mewuwu pewa na opepe. Pea anara, meba ja mepu pewa Roh mewuwu pera wa Roh. ⁹ Newe ekung-kungka ja efeng nete. Pea janewuwute peteju newe jana newuwute newe ne pepeka. ¹⁰ Petehe ing, ana newe long newe, elewe newe efeng netete te teba nawo, peanara te tebapaitupa nemute iman. Paulus Ropokeke Longkefi ¹¹ Ekaleng kalalafa bapale japo-japo pe nipole koteme wala nonine wo. ¹² Tewe pungtu efengtete tenarung-rung wa ja-ja wa nerokangpe ana tefajame ko sunat tete. Tewe janotere ja ing ungte tetupatakikika tewa salib Kristus. ¹³ Tewe sunat tete tera Hukum Taurat telate paka anara tepungtu ewesunat tete ung tewe ne terena ho ete sunatmeme. ¹⁴ Peate niweka ne niwenaho eteka peteana Tata nene Yesus Kristus. Kele salib-Keke, fitong salib tetekotu ni, pa ni kote fitong. ¹⁵ Sunat tetena teteka pejanapepe. pe tehe peing ciptaan nati. ¹⁶ Tewa teba nalungpa aturan lawe, pea pepe efeng pa rahmat rapu ete tewe pa ete Israel Allah keke. ¹⁷ Wakotupe, tebaka meka elehipupuka niwe anara niwe niale jari-jari Yesus motu nenine. ¹⁸ Joke-joke, peana efeng Tata Yesus Kristus kelakole nelupa ana rohmeme A m i n.