¹ Pe nipungkole, ahli waris ing teangku-teangku, ke wehing ke ja lelepa kekefa. ² Ke wera kole kuasa keba pengawas pa keba ja wekotu pai wakotu aikeke kewo lukotu. ³ Peweana ra newe, kaimpa teangku-teangku bate-bate fitong te budak we. ⁴ Pea anara, kaimpa bang penggenapan teju, Allah Oke-Keke kelengtu, kepetanghaa wa pebaung peume pa petanghaa kekole Hukum Taurat, ⁵ Ko tewe kefeju tekete Hukum Taurat ung tekeleete kele anara teangku-teangku-Keke. ⁶ Peanya newe neing neangku-neangku-Keke, Allah Roh Ko-Keke ketuhe pung nene, kehiwa, ''Abba, Ai.'' ⁷ Pea, newe budakka, anara ko, pea newe neing ko, Allah newe keleko newe ahli waris nele Kristus .Budak elele Ka te Bate-Bate Fitong ⁸ Petefu, kaimpa ewe Allah efulangka, ewe eing budak wa ja-jaewe pengrika wa Allah. ⁹ Pea, ung-ang, anara eweAllah efulang pehetepa ewe Allah ewe kefelang, tunane ana ewe fang-fang epure bate-bate fitong tewe ekung tewe tejangte . Eweka pungtu budak tete. ¹⁰ Ewe ja ewahaele perayaan bang-bang, ke-ke, jana-jana, pa felangro-felangro. ¹¹ Niwe fuele jananine nilekoteme pete afia-afia. ¹² Ni waele teme, Joke-joke, ewera eleko anara niwe peapa niwera nileko ana ewe. Ewe jaung eleni fengka. ¹³ Ewe elu, pewa lopana pifeng Injil niware ewe anara niwe ne e niwofu. ¹⁴ Peteana ne nine pewe ana ujian tuni, ewe ni enahika ni ekelitika. Peraputu, ewe niwe eke peweanara-anara ni we tebafangpa Allahke, anara pea-pea ni we Yesus Kristus ing kewo. ¹⁵ Tunane berkat ung-ang eleele ing? Pea, niwe nihemumu watofa, peanya ana, lutomeme meju pa mebepeng-peng teni pera ne mepepa. ¹⁶ Jaha ung-ang niwe ping amanemumu peanara penorung bamuang tuni. ¹⁷ Teba-teba ing teena metekekete, peanya ja efeng teteka. Tewe pungtu ewe tetujana pongtete pungtete ewe tewe ejujule. ¹⁸ Pea efengtafa ana pungjangfamomo ja-ja wana tote efeng, pa peanara ni ewepa nelupaka . ¹⁹ Eangku-eangkunine,pehe ewe, ni newela nejang e konile wakotu Kristus ja keweete te ewe. ²⁰ Ni pungkole, niwe epanelupa ung-ang pa pinawe mepepu hupalang weka ewe niheheto. Hagar pa Sara te Contoh ²¹ Mepeng tutuni, he ewe pungtu ehemumu Hukum Taurat kong, jaha ewe Hukum Taurat elukana? ²² Anara pe potukotu, Abraham teangku keke tebaleng baleng hingtung aling kepetanghaa keka peume budak, pa kealing keka peume merdeka. ²³ Pea anara, keangku keka peume budak ing kepetanghaa keka na, peapa keangku keka peume merdeka kepetanghaa keka ku kele. ²⁴ Ekaleng hoho we peweana lambang anara teume hingtung kawe pe melambangkan ku hingtung. Aling pe ku wa Pe Sinai pa pe ko petanghaa teangku-tangku budak. Pe weing Hagar. ²⁵ Ung-ang, Hagar pe elambangkan Pe Sinai pekotu hangto Arab, aha aling ana Yerusalem po we pe motu pe budak pepa teangku-teangkupepe. ²⁶ Pea anara, Yerusalem hofu teume merdeka, pa pe peing anni nene. ²⁷ Peanya pe potukotu, ''Ewenakae, he eume babeng, ko eleka ewae pa ewenakae, he ewe nejangka ko mepe. Pea, nawo tafa teangku wa teume pewo ewerela teume panghate mete.'' ²⁸ Joke-joke newe neangku-neangku ku kele anara Ishak. ²⁹ Po ing, neangku tetanghaa wa na newe tetupataki neangkutetanghaa wa Roh, anara lewang ung-ang we. ³⁰ Pea anara, janya Ropo To penukotu? ''Budak teume ing ehaju wala teangkutete anara teangku budak teume ing te ahli waris tewewe kate tepa teangku ume merdeka.'' ³¹ Peana ing, joke-joke, nene teangku-teangku wa budak teumeka, peapa teja teume merdeka.