¹ He ewe, eba-eba Galilea topo! Meba mewe mepeko newe nepe? Ho lutomemeka Yesus Kristus tekele salib tebapa ho? ² Ja aling ni pungle niheng-heng ewe, ewe Roh eke anara tewa Hukum Taurat, pewena ewe elula iman. ³ Peanya ewe topo ewe eha-ha lopana ehala Roh, eweka pungtu ung-angwe pelong efifi wala na kangpa. ⁴ Afia-afiakah ewe eapafi efitata peana nawo ing-- ana pea ke ing afia-afiawo. ⁵ Pea, jaha Ke Roh karunia keweleng-leng ewe pa janokelele janolopa kelele ewe anara ewe Hukum Taurat ewaha, peanya ewe iman pa eluele. ⁶ Aha anara Abraham perecaya kele Allah kaimpa ja ana ing kewe kekaki peanara kebamuang. ⁷ Petehe ing, elutata teba-teba imanpa tetenite teangku-teangku Abraham. ⁸ Ropo To, pewe perutofu pea Allah bamuang teba-teba Yahudi teka petehe iman, pewatofa Injil tewetupa niko te Abraham ana pitete, ''Bapa nalungpa tenokewefe petewa mewe.'' ⁹ Pea, tewe imanpa nokewefefe telupa-lupa Abraham, teba percaya tera ing. ¹⁰ Teba nalungpa telepaketeHukum Taurat janope tekete kutuk pepe, pea pepotukotu: terkutuklah neba tuho epane nepaka ja lelepa pepotukotu ropo Hukum Taurat pa janomepe.'' ¹¹ Pea, ung-angwe mebaung mera bamuangka Allah ho te Hukum Taurat, pea, Meba bamuang memumu iman.'' ¹² Pea anara, Hukum Taurat pepepangka te iman. Perapuwetu, meba janomepe Hukum Taurat pe memupa pea.'' ¹³ Kristus newe kekofa wa kutuk Hukum Taurat ana petewe kutuk tu newe, pea ana pepotukotu, ''Terkutuklah neba terelemotu ri salib!" ¹⁴ Ana nemute Yesus Kristus, jana Abraham pewakotu teba-teba Yahudi ka kaimpa iman nene pewe Roh pewe peana kelengkotu ing. Ku Allahke pa Hukum Taurat ¹⁵ Joke-joke, niwe jaung ninalung-lung ana wa bang-bangfa: Peana ku penokefe, peteana kontra nebapa neba, mebaungra memamumukape na mepupapaka ja kotu ku ing ¹⁶ Ung-ang petehe ku Allah kewoleng kohetu te Abraham pa balekeke. Allah pi keleka,''...te bale-balekeke,'' pe nopenarung te keba aling ke ing K r i s t u s. ¹⁷ Anani Hukum Taurat pete ju felangro 430 pewekapa baungra memamumukape ku Allah kewokelekokotu pekeleng kotune pe nokewefe epa neba. ¹⁸ Peweana warisan petehekotu Hukum Taurat, pea warisan ing peteheka ku kelekotu. Pea anara, Allah nokewefekotu Abraham petehe ku fa aling. ¹⁹ Pea, jatuko Hukum Taurat etu? Hukum Taurat pekeweleng anara jafeng-feng jafeng-feng nete wakotu tebamo ing kele. Hukum Taurat pewe jatete petewa ana tebafangpa fa keba kehejeng. ²⁰ Ana, keba kehejengkebaung jengke mehehe keba alingka, peanara Allah keing aling. Hukum Taurat Penorung ²¹ Peanya anaing-ang, jaha Hukum Taurat pehipukotu pepa Allah kukelekotu? Pewe ka! Pea, ana Hukum Taurat ana pewenute newe nemumute, bamuang pewe wa Hukum Taurat. ²² Pea anara, Ropo To lelepafu peapetufata pa teba nawo tehetemete neleng ung kukelekotu iman tehekotu Kristus Yesus pe keweleng-leng tewe percaya tete. ²³ Iman ketukapa, newe atepeko nemu Hukum Taurat, newe atepeko ana teba atepe wakotu iman ketu nekeang. ²⁴ Pewe anara, Hulum Taurat peing ana teba newe tehetume wakotu Kristus ketu ung newe bamuang tefofo iman. ²⁵ Ung-ang, iman ing ketu. Newe Hukum Taurat ne wewe ongne pe ana newe pehepumotu. ²⁶ Ifu Yesus Kristus, newe nalungpa teangku-teangku Allah wa iman. ²⁷ Ewe nalungpa pakeleng ehe ifu Kristus ana nepara Kristus. ²⁸ Teba Yahudi tewe ka na teba Yunnani, budak na teba merdeka, tebaleng-tebaleng na teume peanya newe nalungpa emule Yesus Kristus. ²⁹ Pea, ewe Kristus keke, neweing bale-bale Abraham pa ahli-ahli waris pewe ana ku Kewolekotu.