¹ Felangro hampa pang hingtung petutu tu, niwe puna kota Yerusalem ana Barnabas pa Titus nikare ana kelupa. ² Nire peapa anara pinilekokotu pa ko pinile teriri Injil pinilewe petehekotu teba-teba Yahudi ka. Pea,niwe janoing nibatuho nile, peanya ana tewe te teba piheete ko pehetepapa janya nijanole pa peing janonileto pe afiaraka-afiaraka. ³ Ana Titus niana kelupa, kewe suna tutuka kewe ana ke keba Yunani. ⁴ Ja we lewang-wang peapa johangte-johangte leng te roropa-roropa tekeng pa tejapa hee luto teme-lutoteme ana afia newe weko teipepe Yesus Kristus ung newe putu newe ana neba tejangte . ⁵ Pea anara, newe te kengnepapa tewe neongne ung Injil bamuang pe etaee newe. ⁶ Pea, wa teba-teba pitehepate teriete ing, fujeng peing niwe punglekawo peanya Allah tewe kekole-kekoleka ja-ja ra kelelaka. ⁷ Perapunawetu, tewe tefo kotuni Injil niwe percaya kele ko teba-teba sunat teteka, pea anara Petrus ke percaya kele Injil ko teba-teba sunat tete. ⁸ Pea, Ke janokele wa Petrus ko rasul kelele kote teba-teba sunat tete, Kera janokele wa ni ko rasul nilele te teba-teba Yahudi ka. ⁹ Peanya Yakobus, Petrus pa Yohanes tewe tefee anara saka koru jemaat hukewetepa anugrah efeng kewelengteke, tewe no nopalo pete Barnabas peapetu pa pewe tuni ung newe nena nene teba-teba sunat tete. ¹⁰ Tewe tewa newe ko neengmomo teba-teba japaka,jale aling ni wo pungle tafa ko jaing nilele. Paulus Kenalungtafa Petrus Fengkeke ¹¹ Pea anara, kaimpa Kefas ketu kota Antiokhia, niwe pepengfa-pepengfa pinafeng nile ana pepengfa ke jaketefeng. ¹² Peanya teba-teba kapa tewo wa bapa Yakobus tete Kefasja tetang lupae teba-teba Yahudi ka. Pea, kaimpa tewe tetu, kewe kekana fangti pa ne keke kewekakana pongti kefu teba lung teba sunat tete. ¹³ Teba-teba Yahudi tehing telae-telae jatete ana teba jari jangka telupa, pea Barnabas kerala tewe. ¹⁴ Kaimpa nikalengte tenife tewe tejatete pelengwa lupaka Injil bamuangpepe, pea nilengte Kefas tebapa ho, ''Anara meba Yahudi mepeko meba Yahudi ka, tunane ana mewe mepomi teba Yahudi teka ko mepeko temete anara teba Y a h u d i.'' ¹⁵ Newe neing neba-neba tetanghaa ana bapa Yahudi pa neweka neba-neba neleng wa bapa Yahudi weka. ¹⁶ Pea, newe neru kebeung keraka me kelufati tehe Hukum Taurat, pewetehe ana wa iman kotu Yesus Kristus. Peka,newera percaya nete Yesus Kristus ung newe bamuang nemumu Kristus,peka Hukum Taurat janonerere. Pea, mebaung meraka bamuang jano mepe Hukum Taurat mepepe kape. ¹⁷ Pea anara, pewetehe newe neena ko bamuang nemumu Kristus newe ne nene newewe wa neleng, noingmpa newe jano nerete Kristus? Pea fa ka! ¹⁸ Pea, niwe fang-fang niweeteha jaing petetape, niwe jana ninalung ana niwe hukum Taurat ujangre nile ¹⁹ Pea, wa Hukum Taurat niwe niwung te Hukum Taurat ung nimu batoto kote Allah. ²⁰ Niwe ana Kristus newe terele. Niwe hengkoka peweana Kristus kea kengkole nei nine.nenukote ung-angwe nenukote na kangpe nenukote iman kangpe ifu Allah Oke, kea ninokele pa ne Keke keweleng ko tuni. ²¹ Niwe Allah efengke nihahuhukale anara peabamuang peing petu pewa Hukum Taurat, afia-afia tafa Kristus kewa.