³⁶ Bau, Yope-i, hahake peumeu batipepe Tabita, lau teniate Dorkas. Jano hevefa petue pa nojapenue. ³⁷ Pa pui penoeko pepa. Pa patenipa, eha pepei tewefe-e jato-ho. ³⁸ Lidia pa Yopei watupa. Pu hahake teri, kei Petrus leile Lidia, teniko teba hitu-u te-ke pa teni: "Mekokofa popo je-netenetewea." ³⁹ .kaipa Petrus jaketupipa telupa-ja. Tejakote kefu, ke-teketute jato-ho pa teba roro jaloto ke-tu pa no terue ropuho pa ro, pu petupapa pewie. ⁴⁰ Pa Petrus loko temefatakete, labi kewapa lupopo jakele. Kaipa keputi ehakoi pa kelote: "Tabita, me-malo.!" Kaipa Tabita luto peje pa pu Petrus pefu, pewalo moho. ⁴¹ Petrus nokelute no-pepe kewepa pa keenako pewalo. Kaipa kelote teb-tu pa teba roro, pe kenalu-te, kei peumei pelefuto. ⁴² Jalewai wapawu Yope tupa pa teba nawo Tata keteji. ⁴³ kaipa Petrus banararau kelei Yope, kelei kebau batikeke Simon pake, keba jako-ro janokeloi.