¹ Saulus kera keki, kei Stefanus tejako kewa.Pui ketejapa bapake tetupaji pofe-e Yerusalem. Te-tupa, teakokekefa laka, telepati jeta Yudea pa Samaria tupa. ² Teba tu Stefanus ehake itetela fupofe tete-e. ³ Pa Saulus ke-ena bapakei kejifatatale pa kekapake papa pa tebale pa teume kekalukaketipe pa tekelolete tereketete apate.

⁴ Teba lepati-i jetai tepajufatapa Pifekeke tenarue. ⁵ Pa Filipus ti noveu Samaria pa Mesias kenalui teba te-ei. ⁶ Pu tebapai Filipus pilei-i teri pa tekarete jakoli lopa kelei, hupala alipa jakeli-i tewe. ⁷ Kei tebate hemo noi tekefatate paina kavepa tehiwae, pa teba lojaka pa teba taevera keleko nohae. ⁸ Kaipa makiwo tewenakae nove-i-i. ⁹ Kebau batikeke Simon lupafu kekapa ofai novei pa tebapa Samaria keleko nokoteja, pa nokelepate anara kei keba tuta. ¹⁰ Teba lelepa, hapa patafa, telake pa teni: "Kebawei kei Tata make tefija ana Ma Bapale." ¹¹ Pa telake, kei jawafua jalelepa okekei kelepate nokotejae. ¹² Pa uawei Filipus keteji kei Tata pifeke wa Pai Keke pa Yesus Kristus batike, pa notete tereni pateni tehe, tebale pa teuma. ¹³ Simon kewora kekeki, pa patenikehe, kelataku Filipus, pa ke-ei kekepe jakoli kefui pa jalopa tafa lewaei. ¹⁴ Pu hahake te-e Yerusalem teri, kei Samaria hatu tupai Tata pifeke tewe, teniko Petrus tena Yohanes tei. ¹⁵ Tejako tejuipa hhake hitui lupopoja tenakete, u-teba Samaria-i Tata Letuke hemomote. ¹⁶ Pakei Tata Letuke baura tebafai hetoka, kei tepsteni tehe Yesus batikefa. ¹⁷ Kaipa notenakerofe te, kaipa Tata Letukei tepute. ¹⁸ Pu Simon kefu, kei Tata Letuke tekeikei hahake noterefe, kaipa taimbe lakela-te, ¹⁹ pakei kelo: "Mai nira ewelele, u-anara noniwefe bau, ke Tata Letuke tohehe-ke." ²⁰ Pa Petrus lote-ke: "Mepa taimbe memei takukuto, kei mepora, Tata pipatekei taimbepa jeta mepepepe. ²¹ Jawe jako na jameme moka, kei hupala meme Tata-hoi tololoka. ²² Nya jafefe mepemepewe mepupopo pa lupopo jamepe-etete Tata, u-hupala meme pipate kelele; ²³ kei niklae, hupala memei ta ana ta-le pa mekohemefe jafefe. ²⁴ Simon lote: "Ewo lupopo jale-etete Tata, u-noninewe jaeloei lewawaka." ²⁵ Teba hitui pitetelopa pa Tata pifeke tenaru, tenakepute Yerusalem pa lotekeme-ei Tata pifekei tenarue bametutu motu Samaria.

Keba Taimbe Rube Ka Etiopia

²⁶ Keipa kebafapau kelote Filipus, kelo: "Memalo pa mememe lopelo, memama luma rapu Yerusalem te Gaza." Lumai luma pinaraka. ²⁷ Kaipa Filipus-ka. Kei keba Etiopia, kebarube-tete pa jahelo rube Sri Kandeka, peume Etiopia hatute, kei keti Yerusalem lupopo jalei. ²⁸ Kebai uawe kemoile-lo pa kemole-tato pa Yesaya rupuke kefuile. ²⁹ Kaipa Tata Letuke lote Filipus: "Memei pa memepapa tai-tu!" ³⁰ Filipus tikei pa lokelate kebai Yesaya rupuke kefui. Filipus lote: "Jamefumepei mepuna meba tete?" ³¹ Kelote: Nilonanene, baura nikenalukai nilo nanenele?" Kaipa keloko Filipus ke-e pa kemo ke-tu. ³² Rupu kefuei nunawea: Anara jako Ke-teketute jajate; pa ana jako ke-enaraka puteketute tajajate, anaia laura Ke-jeka. ³³ Ke-ifatepu Ke-ma-polowae; ba pipafe Keke huhukelelele? Kei letu Keke teke fitowea. ³⁴ Kaipa kebarubei kelote Filipus: "Ni-heteme, bapukewe bapinoikele? Nokekewona tebahi?" ³⁵ Kaipa Filipus pikenalu pa kewe putuko ropui Yesus pifeke huhu kelei kebai. ³⁶ Lotenapeja poloja, koteteju jepamole. Kaipa peumei penu: "Mekape, keipamole; mepuileupa, ni-pamepe nihehe?" ³⁷   [Filipus lote: "Ana hupalapa kememi, nilelele." Kelote: "Kenihi, kei Yesus Kristus-i Tata Oke."] ³⁸ Kaipa keba etiopiai keloko taipewu, pa tenakerapuhetepa, Filipus tena kebai, pa Filipus kepakelekehe. ³⁹ Pa pu tenake-e paeto, Tata Letuke Filipus kekati pa kebarubei ke-kefuka. Kemola hupala rauwae. ⁴⁰ Paikei Filipus keleile Asdod. Kemopi jetai pa Tata pifeke kenalui nove motu tai kakakotiju Kaisarea.