¹ Keba rube tete kelo: "Bamua noia na?" ² Stefanus lote: Johane pa ebahuhu, loelae! Tata etimole no-Ke-nalu jobepakama nene Abraham, kei kelei Mesopotamia, kei Haran keuati, ³ Stefanus lote: Johane pa ebahuhu, loelae! Tata etimole no-Ke-nalu jobepakama nene Abraham, kei kelei Mesopotamia, kei Haran keuati. ⁴ Kaipa teba Kasdim hatutei kemoketi, pa kelei Haran. Pa purekewa, Tata loko jei kekeliti pa ketilei hatuwea, jeua elelewe; ⁵ pa kei Tata haturi batutuu ke-keweleka, haturi jatalera keweleka, pa Ke-loko haturi-i keweleko hatu kekewo pa pipave keke, kei pui ke-koka. ⁶ Nowei Tata pinake, kei pipave keke meto te-e-e teba hatute pa te bapu te-tetete felaro pepe 400. ⁷ Pa tebapa te-bapu tetei Makelelele, Tata pinake, pa kei temeke tetete pa lupopo jatete-e-e jeweato. ⁸ Kaipa Tata potejaeti keloko; pa noia Abraham Ishak kekefu, pa nahipa-pa poteri; pa Ishak Yakub kekefu pa Yakub pipafe nene hapa kelofe. ⁹ Kei hufeko, pipafe nene Yusuf jeta tetete Mesir, pa Tata lakoke, ¹⁰ pa jahafefe topae tutakelei pa pipate keke kele pa hupala heve kekele, po ketiru Firaun-ho, kebatete Mesir. Firaun ke-eti kebatete kemo Mesir pa pai keke tupa. ¹¹ Kaipa Mesir tupai jajoka topu pa Kanaan hatui jafefe bale topo, ko jobepakama nene jatetaka. ¹² Pa pu Yakub lu, Mesir-i tetahute motu, keloko jubepakama nene tete. Kei balopana tete; ¹³ lahitu teteipa Yusuf nokeke kenalu johakei, kaipa Yusuf pipafekei Firaun lu. ¹⁴ Kaipa Yusuf loko tete Yakub ketuto, kei reke, pa johakefai, teba 75 nawopepe. ¹⁵   Kaipa Yakub ti Mesir hatute. Keipa kewa, ke pa jobepakama nene;  ¹⁶ eha tete teretute Sikhem pa teretutefu fulu Abraham taimbe perakpa jeta kele Hemor teakoke te-e Sikhem. ¹⁷ Pa watur Tata jakelo Abraham-i, tebapai nawoe Mesir,  ¹⁸ wakoto keba teteu kalo Mesir keweko, kabai Yusuf kefulaka. ¹⁹ Keba tetei okefai tebapa nene pa jobepakama nene janofefekelei pa keloko keako tete terejapate-e, u-tebapa nene nawowoka. ²⁰ Puipa Musa make kepetaha-a pa kei Tata hokei ferakatafa. Ke-heto teketuwate-e reke pake. ²¹ Kaipa ke-teketafiti, pa Firaun lake we pa penuko ketetuwate-e anara ku-pepewo. ²² Pa Musa jatenarui Mesir hupalate, pa pila pa jano tete kelu. ²³ Pu felaro keke 40, putu ketikapa johake kefefele, kei teba Israel. ²⁴ Pu kekalete kebau keba Mesir-te kekekapakai, kaipa pikeke kele pa kelakepa keba Mesir-i kekako kewa. ²⁵ Kelora johake teririte, kei Tata ke-kekeko te-kelofefele, pa teriraka. ²⁶ Febaupa kerato kei tebs Israel hitu boe, kaipa ke-ena tenake nowewe, kelo: Johane! Enakei ewowopara? Tunaneko enake boele? ²⁷ Pa keba jaletefui Musa kekekakinafati pa kelo: Bamekeke-eti mebarube pa meba pipamepe ne-e? ²⁸ Meputut nira mebako niwuwu, ana ba keba Mesir-te mebako kewai? ²⁹ Pitit-i keloko, kemoketa pa kelei ana kebamopalei Midian hatute. Kei ko-bale hitu kelofe. ³⁰ Pa felaro 40 kebafapau tokelei tahou Sinai-pe keka raei jatafipa. ³¹ Musa rai kefoko keotapa, ekekukati tupa kefufuleko, Tata pinake toke: ³² Niwe jobepakama Tata tete, Tata Abraham, Ishak pa Yakub. Kaipa Musa notetejaketu, pa kekalele kefu. ³³ Kaipa Tata pileke: Lahepu mehemotui taei mele, kei jei, je-merupei, kei je-tu. ³⁴ Bapa Nine jano fefe tete-ete Mesir-i bamuawo Ni-fo pa pinapafuna tete Nilu, pa Nihelo te-Nilo fefele; peanya mepo, me-Ni-loko mememe Mesir-pe. ³⁵ Musa we, keteote, kelonawea: Ba mekeke-eti meba rube pa meba pipamepe e? - Musa weara Tata loko keto anara kebarube pa ana kebafapa to nekelofefele, kei no-kenalu jatafi-i. ³⁶ Kea tekelokamokete kei jalopa pa jakolipa Mesir hatutefua, ja-ole pa tahou, felaro 40. ³⁷ Musa weara lote teba Israel: Kebapuha ananiwe kajohaefawea bau Tata keletotole. ³⁸ Musa wea loma kele bapakeke tahoufua kei kebafapa pitila Sinai-pe pa jubepakama nene; keara Tata pifeke keloko pikeleito-e. ³⁹ Pa jobepakama nene ke-telalaote, pakei ke-teote. Hupala tetei teputete Mesir-te. ⁴⁰ Te Harun pitete: tata kovaka mepeko tejae neto, Musa keba ne-kelokaka Mesir towe - nerutaka ja-lewa-ke. ⁴¹ Kaipa pui jakou tete pa jehelo terenipate jakoi pa tewenakapae jatewotei. ⁴² Kaipa Tata te-kuekela pa kelojate lopopojatete-e taba fitowea, anara japutumutu bapuhake ropu: Bamuana jako elole-ete-Ni-i felaro 40 hapale-e tahoui, he eba Israel? ⁴³ Eloleka, pae Molok pake ewehu pa ha Refan bate, kavu eleko pea ke-epae. Peanya e-Ni-lojatetele, ko kafua Babel. ⁴⁴ Jobepakama nene Fate Jalutopa tefui kotu tahou, anara Tata loko Musa kelel anara kewehala kefui. ⁴⁵ Fatei jobepakama nene tewe pa Yosua tekelokakako teke hatuwea, kei pui hatewe tebapapahi kei Tata te-kehaloko tewe jobepakama nene ho; noia wakoto pu Daud. ⁴⁶   Daud janaheve kewe Tata hoke pa kewa, ke-loteweni jrkelei-ile keleko Yakub Tatake. ⁴⁷ Pa Salomo Tata pakei kele. ⁴⁸ Pa Tata Mole jeetekotu  janebatei kelei-ikale, anara bapuhake niko: ⁴⁹ Petai fuje Nine, pa fitoi la Ni-lofuele. Panoha eleko Ni, noia Tata pifeke, jeha Ni-le-tae-ele. ⁵⁰ No-Ninewopa jalelepai nile? ⁵¹ He eba rubenave pa eba hupala tupika pa lo-ka, Tata Letuke piehahie, anara jobepakama e-e, anaiara-e. ⁵² Bapuhake ne jobepakama e-e jika?  Teba toto Kaba Bamua totole jaterueira eji, uawe enahi pa ekako kewa. ⁵³ Tata Make tebafapa naruei ewe, pa elate paka."