Pasal 6
Teba Napahetou Tejiko Tebawawa tetuwate-e
1
Pui, hahake laku nawoe, teba Yahudi pila Yunani-i popo tete-e teba Ibrani, kei jako tete-ei teba roro tetei babafa jatenika.
2
Tunaiko hahake hapai teniko teakokekei telufata pa teni: Ne-nohaeka, kei pifekeke nenitaru te janotere-e tarira
3
Peanya, johane, ebafai teba napahetou ihihi, efula teba heve, pa Tata Letuke hekopi pa jakelo, u-tenoroete janoi,
4
pa u-newowe hupala momo lupopo pa Tata pifeke."
5
Pikelotei bapakei keteji, kaipa Stafanus teke, keba hupalanave pa Tata Letuke hemole, pa Filipus, Prokhorus, Nikanor, Timon, Permenas pa Nikolaus, keba laku Yahidi lupopokate ka Anthiokia.
6
Teterutute hahake-ho, kaipa hahake lupopo jatete pa noterefe-te.
7
Tata pifeke pakutupa, pa teako te-e Yerusalem tetopalako nawoe; teba janore-e Tatapake no-teri pa keteji.
STtefanus Teheja
8
Pa Stefanus, keba pipate pa ma hekopi, jalopa pa jakoli kelei tebapa.
9
Pa tebafau ja bapake Yahudi tera teniete teba Libertini keto - teba bapakei teba ja Kirene ps teja Aleksandria - telala teba Yahudi nararau ja Kilikia pa ja Asia. Tebafai Stefanus kopa tehalae,
10
Pa tuta keke tela tape pa Letu fakako pikelei.
11
Kaipa tebafau tefajako teni: "Lonelate pitikelai Musa pa Tata piti fefekelai.
12
Loma noiau jaleu tete tebapapa teba huhu pa teba rupulafuete; Stefanus tekeke, tejaru pa tekeketute Taba Huhu-ho.
13
Kaipa teba jafu putelako teni: "Kebawe fepapapa piti fefe kelai jete-tuwe pa Tata Make,
14
Kei neworu kelo, kei Yesus, keba Nazaret-i, pawe ketapepele pa lejanene pipave wa Musa to ne.
15
Tebapa me tebapahoi tekarefaku Stefanus, pa tekarete Stefanus tahai anara taha tebafapa.