Pasal 5
Ananias Tena Safira
1
Kebau batikeke Ananias. Tena eke Safira haturiu jetatete.
2
Eke-ru taimbe hatu jeta tetei riu-mo pa riu teketute pa tekei hahake-ho.
3
Kaipa Petrus lote: "Ananias, hupala meme kebate hemole, ko Tata Letuke omefa pa taimbe hatu jeta mepei jou menape?
4
Pu hatui jeta mepeka, kei jameme, pa jeta mepe, jana pepei meme para? Tunaneko jai taja befi hupala meme? Teba omefaka, pa Tata omefa."
5
Pu piti-i kelu Ananias kuti pa ksips puoti. Tebapa jalewai teriko tefe.
6
Kaipa teale fauto; ehai tewe, tekeju ketuketepe pa teketute ite.
7
Raku heto hehetupa Ananias eke keto, pakei peruka jalewai.
8
Petrus lote-pe: "Mepoponi, hatu jeta enakele taimbe pepe ahaiana?" Peumei penu: "Bamua ahaia."
9
Petrus lote: "Tunaneko enake pualipa Tata letuke elelu? Mekape, teba pame teketute itei tarete tiloi pa mera tekeju ketutete pete."
10
Kaipa peumei rakuiara pepite Petrus-ho pa pu-oti. Pu tealei keto, tefi pepa, kaipa tekeju ketutepe pa itete papetu.
11
Kaipa bapakei tefe tupa pa teba lelepa jai teri.
JakilopaJalopa
12
Pa hahake jakoli pa jalopa nawo tete-e tebapa-ho. Teba keji-i tetetiali navetafa pa babafa telue Salomo patopuke.
13
Tebahihi te-tutelaka. Pa tebapa te-tabeja tete-e.
14
Pa jopajoepa teba Tata keteji-i tetopalako nawoe, kei tebale pa teume,
15
kaupa teba noe tetuketepe, tetute loma tete, pa terefe jetelewe-e pa pire, ura, ana Petrus le, balekekefa we-bau tebafai.
16
Pa tebapa janove Yerusalem-tui fafatopae pa teba noe tetupatoe pa teba kebate hemono. Pa keleko tenohae.
Teakokeke Tereapa Keto
17
Pepapei Keba Rubetete pa tebalakei, kei tebaja bapa Saduki, piputela kei teheve.
18
Teakokekei tere pa terekete apa konovei.
19
Pa rahoupa Tata bapukefapa apa tilo keje pa tekelokakatipe,kelo:
20
"Ere, eruru Tata Pake pa Tata pifeke enalue tebapa."
21
Piti-i tela, pa fepukejeilepa teketere Tata Pake, pa jatenarue. Keipa Keba Rubetete pa teba lakei teniko Teba Lupopka wekoi telu, kei teba huhu Israel bapatei, pa teniko teakokeke meteapai tetutoto.
22
Pa putebarube to-apa, teakokeke jei tefika. kaipa tepute pa tenite,
23
teni: "Apai nefi lotuko jaurafaweka pa teba te-teherei terare je tilo topu, pa tilo neje, baura ifu nefika."
24
Pu kebarube Tata Pake pa teba huhu rube piti-i teri, teve pa tejete jalewa teakokeke.
25
Pa bauto tekefi pa pikele: "Ekale, teba elokete apai, tete-ete Tata Pake pa tebapa jaterauete."
Teakokeke Tere Teba Lupopoka Rube-ho-Gamaliel Pikenalu
26
Kaipa tebaterehere wala tebalakei tete Tata Pake, hahake hitui tere, tejika, kei tefe, paya tebapa te-wuteruru.
27
Tenake teretute pa teretute Teba Rube lupopopa hote. Keba Rube tete kehowei,
28
kelo: "Pinave nete enenu Bati-i enaluluka. Pakei eluka, jaenaluei Yerusalem-we pepawutupa pa Kebai hike epupunetu.
29
Kei Petrus pa teakokeke pititela, teni: "Nela Tata keiheve pa nebai nelalaka.
30
Tata jobepakama nene Yesus teteko kelefuto, kei ekele rarai pa ekako kewa.
31
Kea Tata wo no-nopalopa keke-eti Kebarube pa Neba kelofefele, ura Israel teputoto pa nole tete ketapupu.
32
Pa newe jalelepai lutopa nevo, ne pa Tata Letuke, kei Tata keleheto teba lelepa Ke-tejoete."
33
Pitit-i teriko tehefetafa pa te-ena hahakei tejiko tebibite.
34
Pa kei keba Farisi laku tei, batikeke Gamliel, keba Tata rupeke lafue tebapai ke-tabeja tete-e, kekalo pa kewa, tebai eloko ketepeu.
35
Kaipa kelote tebapa lumei: "He eba Israel, ehue huhufafa, ja-elele tebawele!
36
Pakei lopafu Tadeus keto, kelo kei keba bamua pa teba lakekei aha 400; pa ketejako kewa pa tebafai telepa pa telete.
37
Ketipa, pu teba bati tere-ei, Yudas keketo, keba Galilea. Teba nawo lakepa piputelae, pa kerawa pa tebalakei telepati.
38
Peanya nilote-e: Tebawe pipuelalaka. Tehevejae, anara hupala pa jatete-ei wa neba, kei jawalete,
39
pa wa Tata-to, teba ehekeke kale; paya tunai, Tata pipoelaele." Piti-i tewe.
40
Teakokeke teniko teto, pa te-eteju pa pinave tete Yesus batikei enaluluka. Kaipa te-teruve.
41
Teakokeke hupala rauwaepa jeitewerute, tehio jafefe tere-e Yesus batikei kei heve.
42
Pa fepatojatenaru pulojae Tata Pake pa papa teba kau pa Yesus pifeke tenarue kei Mesias.