1
Pu Petrus tena Yohanes pitete-e teba-pa, wotuto tebahuhu toju teka-ho pa keba rube Tata Pake pa teba Saduki.
2
Tebafai tehefetafa kei teba-pa jatenarue pa tenie, kei Yesus kefa tebabi lefutotote.
3
Te-tereko terekete apa kofeba, kei bai terapae.
4
Pa teba jatenaruei teriko teba nawo keteji, kaipa teba lai nawopepe 5.000 tebale-fa.
5
Febapa teba Yahudi rube pa tebahuhu pa teba rupulafuete teteretute tepaho Yerusalem fua
6
keba rube tete Hanas pa Kayafas, Yohanes tena Aleksander pa tebapa kau kei teba rube pipafe-te.
7
Kaipa Petrus tena Yohanes teretute tebapahoi pa tenake telafue teje-e: "Nave-ne na batibakepa e-ena noia-e?
8
Kaipa Petrus lote, Tata Letuke navewele: "He ebarube bapake pa ebahuhu,
9
anauawe ne-elafu kei janopa heve keba keba noe pa nenaruru-e ma hapa neteko ke-nohae,
10
kei ebafai elulu pa teba Israel bapa tupa, kei Yesus Kristus batike, keba Nazaret, ke-ekefe rari, pa Tata leko kelefuto - kei Yesus iako kebai kekalo lokeka pa kerule eho.
11
Yesus-i wu tebapa janore-ete keriti - kei ewo -, pa kelela wu-tuta.
12
Pa nejujute Ke-fa lukotu baura luka, kei peta tukolowe batihiraka nekekakakoti nenejujute."
13
Pu tekaretePetrus tena Yohanes tebapaho tenake-feka pa teri, tenakei teba afia ritopu teteka, keitekepe; pa teke tefeja tei lake Yesus.
14
Pa tekarete keba tenaketeko nohaei keru tenaketu, piu teteko tepepeteraka.
15
Pa teniko jetelumei tenakekeriti, pitewa,
16
pa teni: "Japaha netet tenakete? Kei uape bapa te-ete Yerusalem wea, kei jalopa nati tenakete pa nepaparakate.
17
Paura jai tebapa ririka, te-enenunu pa koho newei-i, u-baura bati-i piteteka.
18
Pa tenake teniko teketo, piteweni, Yesus batikei teba pi-eleleka na enaluluraka.
19
Pa Petrus tena Yohanes nite: "Iwolulu kene heve Tata hoke: nelala e-na nelala Tata.
20
Lomara hekatafa janefo pa neru pa pinetetka."
21
Pinave tete tenake, para tenake noteafa, kei tenake ma tefefe tepa tefe tebapa jalewaiako Tata piteniate.
22
Kei keba teteko nohaei felaro keke 40 lokekaka.