¹ Kei neru nenene Italia-te,kaipa Paulus pa teba apa fau terenite teba rube bati keke Yulius keka kebarube tebafake. ² Ne-e tu tu ka Adramitium kei ketiti taho muto Asia bae heti-i,kaipa nena.Aristarkhus keba Makedonia ka Tesalonika kelaku-ne. ³ Fefeipa neke Sidon.Yulius Paulus jaheve kelei pa llo-kekele teba teba hola keke kefefe,u-jakeke pakai terenini. ⁴ Keife bapalekanya nela Siprus ba-pe. ⁵ Pa pu-nepano Kilikia pa Pamfilia ja-topui nenakone Mira,Likia jete. ⁶ Kei tabarube tu-u ka Aleksandria ketiti Italia kefi.Nekelopa lofe tui. ⁷ Pa tebapa hapa nene joete, pa te-fepapapa lupopo jatete pulujaete. Pa ja-tejoe-ia, mebatete Agripa, teba Yahudi ni-tehejaete. ⁸ Jatuko ke-ehika, kei Tata tebabi keleko telefutotote.? ⁹ Lelei banawo rufa ba jananakatera rufa pa lonanara hefewo.Peanya Paulus tekeloko,kelo: ¹⁰ Ebaletu,ni-kalete,lo nenewe fefefatatafa pa janawo netakute,ja-hemoto tufaka pa tu-rai,pakei letu nenerai." ¹¹ Pa tabarubei kebaloba pa tu-robei kekeki pakei Paulus pitikei kekekika. ¹² Kei tahoi fe-ko netenenete kate pu fawu molutoko, nya tebaafau teputu nenapolo nanene pa ne-ena Feniks novei newewe u-netenene kei pu fawu molotoko. Feniks Novei kei petu Kreta tahope, jena rakuile lofua pa wana lowolo ja-lo. ¹³ Pui fepolui kui-lopelo. Te-nira, kei hupala tetei tefaju. Jamo tui tetape, pa temole bapefa watupa Kreta ba.

¹⁴ Pa jorakapa fe-bapale ka petui heto, teniete fe "Lokolo Jalo". ¹⁵ Tui kefi pa febapalei telatape. Kaipa nela pa tui nekeriti kapafei-ja. ¹⁶ Kaipa nenapafekone petu hapau ba bati Kauda, pa kei ne-enapako ne-e tahapa tuipe. ¹⁷ Pa ta-hapai tere-e tui, jalelepa pepetehepa tui a-pa tepe. Pa teve te-kelojahotete ba Sirtis-le, kaipa wa tewe-ete pa tui tekeriti kekapa fei naiai. ¹⁸ Kei fe-tetekako ne-makikekeloi, kaipa fefepepeupa jamu tui nerojahete ti. ¹⁹ Pa ba-hetupa jakau mo-tui no-tetepa terepa terejahete. ²⁰ Ba-nararaupa ra-na ha-na japuraka, Pa fe-tete navewo kapolokai-i ne-ketakukule, kaipa hupala nene lete ko nonene nanejujute. ²¹ Pa ba-nararau jatetaka, kaipa Paulus kaloru tehou pa kelo: "Ebaletu, ana ela pi-nine, u-Kereta-we nekerititika, jafefe pa janetakuwe nefufukate.! ²² Pa uawe, para jafefewe, e-pinanalu, u-e-hupala navekoko, kei ebafawei baura takukukatu, kei tu-wefa. ²³ Kei ta kebafapau ka Tata to, kei ka Tata tabeja nile-ele ana ja-Keke, keru ni-tu, ²⁴ pa kelo: Mefufuka Paulus! Mememe keba tete ho; pa bamuawo Tata pipate keke, peanya tebafa lakete me tuwepa ehaele heve ewewele kei mea pakupepe. ²⁵ Peanya pu mapepe, ebaletu! Kei Tata-fa kenihi, kei jalelepai lewawa ana kenalu-ni. ²⁶ keipa tu-wei neke hoho petu-u." ²⁷ Rapa ba hapapahitu tohe ne-nepefenete Adria jafua. Wana rahoutopa teako te-etui ahatete, ne-ana to ba-tu. ²⁸ Kaipa wu teketafiheti aha tete, pa bamua pai keaha fahitupapau topepe. Jatale tejute pa lau ahatete pa lekaheto nahipapaheto. ²⁹ Pa kei tefe, tenajaja wutu-ute, kaipa ake nopo tereja tui taru, pa neputu ba-we kokofa fefe. ³⁰ keipa teako janore-e tui te-ena te-mejetata tuiate. Tahapa tereheto, pa tete anara ake nararau terejaja tu tantote. ³¹ Peanya Paulus lote taba rube pa teako keke: "Anara tu-we tete-eka, heve ewewekale." ³² kaipa taba a-tahapa a-tetei teja pa tai terejate wapafe-e ja. ³³ Ana wana raetu, Paulus tebafai kefakako jatetata, kelo: "Ba hapapaheto ehofae, elela hupae pa jaura eaka. ³⁴ Peanya e-pininalu, u-jaea-ato. Kei puleko heve e-e. Nebafawe baura ta-aliura letetekatu. ³⁵ Piti-i kelapa, hao ke-ke, tehoipa janawo kewaete Tata, keje kekepa, kekolepa teta. ³⁶ Kaipa tebafai hupala tete nave, pa tera jateta. ³⁷ Neba emo tui nawo pepei 276. ³⁸ Jatetako hulapa, jamo tutoi terepa rejapate-e ja u-tui bofafa. ³⁹ Pa pu fepu kejeile, tekarete pepou tefi ba-kekei tololo. Bai tefijakapa, te-ena tui tekehoho keiate. ⁴⁰ Ake ai tekuri, pa akei terejate motifulo. keipa a-mo tarui tekurie, wa tewe-ete tanto, u-febapale kai-i tu kekakana ba-hotiti. ⁴¹ Pa tui kefi hatuka, pa tui ketu. Tantui paheteko hatu pa leteraka pa tarui o-bapale kakao taku. ⁴² Pui taba pitewako teba  meapai tejite tebibite, u-baura futitika kepepapa. ⁴³ Pa taba rubei ke Paulus kekefufule. Peanya hupala tetei ekeku, pa japukeleko, eba pepele elu epeto horere pa e-ee bafua, ⁴⁴ pa u-tekaura taripa na tu kekewea tejekue tepehotete. Anaiau nebafawe nehuhufa nako nene juju-ba.