Pasal 26
1
Agripa lote Paulus: "Me lo-ni-wele nokomepepe." Paulus nonakeo, pa nokokele nowea:
2
"Ea mebatete Agripa, ni-hupala heve, kei uabawe lopepe nonine nokonilele jalelepa nile-e teba Yahudi hejae nonine,
3
lupanawo leja nene me-pu pa teba Yahudi hevepa fe-tete. Peanya ni-wate-me, hupala mapepe pa lomepapa-ni.
4
Teba Yahudi-i pu-ni-halepale-ei ni-tefija, kei walopanawofua kopa nelupa tene tebapa nine te-e Yerusalem.
5
Jawafua ni-tefija pa anara te-putu, jakoliu tenaruru, kei ni-we niba Farisi navewo niru lupopo ka-nene.
6
Pa uawe ni-telafufute kei ni-pule jakelokoi tefajujutu, kei Tata weleko jobepakama nene,
7
pa tebapa hapa nene juete, pa fipapapa lupopo bamua jatete-e. Pa puleko iako, he meba-rube Agripa, teba Yahudi ni tehejae.
8
Tunaneko elo kei-o, Tata tebabi keleko telefuto.?
9
Ananera, niwora ni-lora, kei Yesus ka Nazaret toi bati keke navepa ni-halala.
10
Anaiara ni-le-e Yerusalem. Teba-tu-fa nawo apa ni-loketeka, pu nave ni-we teba rube tafa, pa ni-ra kehi, te-tejiko tebibi.
11
Lupopo pai te-janofefe ni-le-e pa ni-puleko hupalanavei tenajiji pa huvekopa te-nihajue, ko-te tebapapa novete."
Paulus Kepu pa Kekelo huhupe kele.
12
"Pa noroipa, ma-tupa ni-we pa tebarube jano teweni lo-ni-rere Damsyik-le,
13
jawotu, he meba rube Agripa, ra-tete leipa ni-kalete loma houi fefeu ke-fefetaha ra fefe kera kelufa, ka peta heto paku ni pa teba hola nini nelupa nanei.
14
Neifata hene hatu, pa pinau nilo kelote ni Ibrani pilatepa: Saulus, Saulus, tunaneko Ni- menami.? Mewo nomeme me-takukupe.
15
Pa ni-hete: "Mei Ba, Tata.? Tata lote: Niwe Oke, menamimei.
16
Pa uawe, memalo pa meruru. No Ninalu meko menikeko jano nine mepomeme pa jalelepa mefu-Ni-i pa ja-kaura Ni-nalulu me-pe.
17
Bapawe me-Ni-kenapotitile pa bapapa hi. Pa me Ni-loko me-meme teape,
18
ko luto tete mejeje, u-tepu lopalo to fefe pa Kebate ma ke te Tata, u-hupalanave tete to Ni-i nole tete nitapupu pa je tewewe janiloko koteba nileko-tu.
19
Peanya, he Agripa rube, janifo peta hetoi nipaparakale.
20
Pa lopanawoi hoho nilele teba Yahudi te-ete Damsyik, Yerusalem pa Yudea tupa, pa te teba papa-hi, kei tepupu pa temena Tata pa jano koli anara teputoi.
21
Peako teba Yahudi ni-teke Tata Paike pa te-ena ni-tejati niwuwule.
22
Pa Tata ni-tutakeloko niale-e kouawe pa ja-lutopa nifoi huhu nile-ele teba hapa pa tafa. Pa jahuhu ni-le-elei jahiraka kei ja tebapuhake pa Musa-ra huhuteto tofa,
23
kei, Oke jano fefe kelolo le pa kei Kea keba lopana tebabi lefutototote, pa kei Kea fefe huhu kelele tebapa we pa tebapapa hi."
Agripa Tefajako Kekekiki
24
Paulus jalelepa janokeloi-i hoho kelei, Festus pinafe kele: "Me tahatu, Paulus! Ritopu nawo mepemeiako me-tahatu."
25
Pa Paulus lote: "Ni tahatuka, Festus meba-ememo! Jabamua pinile-ei hupala hevepa pinile-e!
26
Jalelepawe kebatete ralu, peanya nifuka huhu pepefa nile-e ke. Ni-lo, kei jalelepawe koura mepukaka, kei jalelepawe jehapaura lewaka.
27
Kememina, mebarube Agripa, te bapuhake? Ni-lu, kei te-kememi."
28
Agripa pinake: "jatalera mepeko nike Kristen!"
29
Paulus lote: "Lupopo janile-etete Tata le, u-kokova na jopajomefaka, pa teba lelepa laketewe pa teba piti nine teriete tera ani-ni, apa wefaka."
30
Kaipa keba ruve kalo pa keba tete pa Bernike pateba lelepa telupa mei.
31
Tekepate-ei, tewowo nie: "Kebai jano fefeura keleko ke-tejati kewawale raka na keketiti apale."
32
Agripa lote Festus: "Kebai bamuai ke-ekefufule anara ke-ekare keba tete horaka."