1 2 3 1. Ba napa pa kebarube tete Ananias pa teba huhufau pa keba pileile batikeke Tertulus. Tete keba rube tete-ho pa Paulus tehejaei huhutete. 2. Paulus teniko keto pa Tertulus ke-kehowei, kelo: "Meba-tete Feliks, nave memepa ne fepapapa mepeko ne-hupala heve, pa hupala memeko janawo metupiko mepemotu tebapa nene. 3. Jalelepai nela-tupipa pa kenafa newela hupala hevepa. 4 5 6 4. Keipa ba-meme nawo netakukuka, ni-wa, rakuwe ne-lomepapa kei hupala meme hevei teba fujalo. 5. Nerulo, kebawei totofe, kekapa teba Yahudi te-ete fitowe hevetewe kelepate tebotujaete, pa kei keba rube ja teba lakete Tata. 6. Pa kera Tata Pake tui jare kelelel. Peanya kea neke pa ke-ma-netete anara Tata ma-ke. 7 8 9 7. Pa taba rube Lisias keto ekeku pa ke-enako ke-keke no-nene, 8. pa keloko teba ke-tehejaei tetoto me-ho. Anara mewo ke-melafufupe, jalelepa ke-nehenanete merapuna." 9. Pa teba Yahudi tera keji ke-ehehae pa teni, piti-i bamua anaia. 14 15 16 14. Pa mei kenihi, kei lupopo nile-e Tata jobepakama nene-i Tata lomake, kei teni Loma-fe. Jalelepa putumotu Tata Ma-ke pa bapuhake ropu-te. 15. Ni-pue Tata, anara-tera, kei teba biete telefutotote, kei teba bamuana teba bamuaka. 16. Peanya ni-enako hupala-tupa nile-e Tata-ho pa neba. 17 18 19 17. Pa felaro narara-tepa ni-lo Yerusalem ja-ni- alo lolele tebapa ninele pa jakau ni-lofefele. 18. Jalelepai jano ni-loepa, teba Yahudi ja-Asia-to ni-tefi Tata Paike, kei nonine nole nitapu, tebaparaka pa pinapa jaheparaka. 19. Tea toto me-hokewea pa jahepa tete-ete, anara ja-teteu fawakotu-ni. 20 Pa tebafa telumetewe tewo nini jafefeha tefi ni-lemotu, pu ni-teketute tebapa-ho. 21 Naku piti alia nilai na, pu niru te-hou, kei: Tebabi lefupate-ete, ko ni-uawe ekefe e-ho." 22 Kaipa Feliks Tata Lumake keluta, pi-tetei kekaki, ke-lo: "Taba rube Lisias tojo-we, pi-ehehaewe ma-nilelele." 23 Pa keloko taba Paulus tekefufufka, pa lo-jetale ewelele, pa anara bato-ke to-upa e-ehuhuka. 24 Pa banararaupa Feliks tena eke Drusila to, keba Yahudi; keloko Paulus teniko keto, pa lokelala kele jabamua kelaule Tata Oke. 25 Pa pu-Paulus Tatapifeke kelei, nopara nene neruru pa ma-tototu, Feliks kefu pa kelo: Kaise pa uawe mema; ba-heveu niwe me-niloko mepopo." 26 Pa kekoi, kelora Paulus taimbe leu kewelelele. Peanya kau kelopaketopa tenake pi-ia te-ete. 27 Pa felaro hitu-he, Feliks jekei Perkius Festus-he, pa teba Yahudi pute kelolole, Paulus keloko noteafafaka.