¹ Tewefiei kapa, Paulus hahakei keloko teto pa nave kelole. Pinakelepa, keti Makedonia. ² Jetai kepaku pa piti nawo kelei letuke te-ei. Pa ke-kakotiju Yunanai. ³ Ke-heto kelei-iapa ketiti Siria-le. Pa pui teba Yahudi ke-teheketume tejati kewawale. Kaipa kelu kemole Makedonia titile. ⁴ SOpater tena Pirus lake-ke, teja Berea, [pa Aritarkhus tena Sekundus, tenakeba Tesalonika-te, pa Gayus keba Derbe, pa Timotius pa teba hitu ja Asia, kei Tikhikis pa Trofimus. ⁵ Tebafai tejatote pa ne-te-joe Troas. ⁶ Pa ba-Hao-Eka-ipa nena Filipi pa ba-nopo pa neneju Troas pa te-ne-fi. Kei ne-tene ba-napaheto. ⁷ Balopana Tatabakei, puneloko hao nejejete, Paulus pikelala jube te-ei, kei kehuo fe-kekakala. Pi-tete-ei wakote rahou. ⁸ Jahoi, je-nelumoi, ra-nawo tehemo. ⁹ Kealeu batikeke Eutikhus kemo taloto. Paulus pikelejoiko, kealei lufamakipo. Kaipa keluweko pa keko jahetopofua hetoko. Pu ke-teke-eti kewa. ¹⁰ Pa Paulus hetiko. Nokeke ke-etipu kealei, ke-juke, pa kelo: "Ewefifika, kewaka." ¹¹ Tepute jahoipa, Paulus hao kejepa tetae; tetalopa pilau kelejoi, korae pa keka. ¹² Pa kealei tupapa teketutekefu pakeke, tebafai hupala hevewo. ¹³ Nenatone e-tu pa nene Asos, kei nene Paulus kekete keloko, pa kei kewo kekaka taelepale kekaka lopele. ¹⁴ Pu nekefi Asos, ke-nekenane-tu, pa nelupa ne Metilene. ¹⁷ Kipa kebau ka Miletus ti Efesus u-keloko teba huhu Tatabapake toto Miletus. ¹⁸ Tejakopa, kelote-te: "Elu, nilenane-e lopanawo nihakoloju Asia wea: ¹⁹ hupala hevepa Tata janoke niloe. Jano niloei lupo nawopa jano niloe pa teba Yahudi teheloloepa niteterie pa nitejati niwuwule. ²⁰ Anaiapara janora niweliteka ko heve e-e. Lelepai niloe pa ninalue-e, tebapaho pa teba lume-pa e-e; ²¹ Jalutopanifue peaninalu eba Yahudi pa eba Yunani, u-epuna Tata lolo pa pa Tata nene ke-ehihi, Tata Oke. ²² Pauawe Tataletuke ni-ape nirere Yerusalem-le pa niloka jalewawa nonitu kei ²³ pa jaa Tata Letuke loko naha nofeu re nofeu, kei apa pa jahafefe nitejoete. ²⁴ Pa letu nine jatalera nioraka, pa jano Keke niloko rerehupe pa jano Tata Oke weletekotuwe jano lutopa-nifu kei Pife Keke hupalaheve Tata-ke jano nilokora kaka. ²⁵ Pa uawe nilu, taha nine efufukale, ebafa nihapa Tata Pifeka huhule-e. ²⁶ Peanyan uabawe jalutopa nifo-e, kei ni-tu, bau ana fekewe kei niluka. ²⁷ Kei Tata hupalake huhu nile-e koura nilufaka. ³¹ Peanya hupalamomo pa e-emomo, kei ni-felaro heto, fepapapa, ni-hitaluraka lupopa e-pininalue eba tuho. ³² Pa uawe e-nilole-ete Tata, pa te pife hupala heve-Keke, nave kekepa e-keloku pa pive-wahoheto-e jakeu keloko ebafai eba nole Ketapu. ³³ Tahilefi pa tahila na-rori baukera nipuleraka. ³⁴ Ewolu, kei no-oninewopa jano nine niloe pa letune nelupa loali janotete. ³⁵ Jalelepa niwehalala te-e, jano noi neroneu teba wawa jantete pa Tata Oke pitike neomomo, kei kewo kelo: Janewetei hupala heve pa ja newei keife. ³⁶ Piti-i kelalopa labi kebale pa telupa lupopo jatete. ³⁷ Kaipa fu-tete pa Paulus tejuke, ke-lalanupa teke-e. ³⁸ Hupala tete-fe, kei kelo, taha nine efufukale. Pa ke-teketute-tu.