¹ Pu Apolos lei Korintus, Paulus hapetai kepakulo pa ketiju Efesus. Kei hahake nararau kefi. ² Kelote-te: "Tata Letuke ekena, pu keke-ehi.?" Pa tenite-ke: "Uafa, ne-ruraka, kei Tata Letukei leile." ³ Kaipa Paulus lote-te: "Anipa pa-niha teni ehe.?" Tenite: "Yohanes paletehe-ei." ⁴ Paulus lote: "Yohanes paletehe-ei kei teba moputoi, pa kelote tebapa, Keba totleia kea keehihi, kei Oke." ⁵ Pu piti-i teri, notete terini Oke Batikepa patehe. ⁶ Pa pu Paulus nokelofe-te, Tata Letuke heto pute, pa letu-pilake tete-e pa Tatapifekera tete-e. ⁷ Teluko teba nawopepe hapa. ⁸ Ke-heto Paulus tipai lupopopa koi pa nafepa jakenalui. Pifekenalui-i ke-enako Tata Paikei teritata. ⁹ Pa tebafau hupala tete nave. teputuka pifei teriri, pa te-ena Tata Lomakei tepe-e tebapaho. Peanya Paulus te-kelufate pa teakokeke kelokakana poti, pa fepato jakenalui Tiranus ja-ritopu kelei. ¹⁰ Jawe felaro hitu kelei, ko teba Asia Tata Pifekewe terifata, kei teba Yahudi pa teba Yunani. ¹¹ Wa Paulus Tata jalopa tafafa kelei, ¹² kaupa teba rori-paponejunete na Paulus rorikeke kefai-i terefe teba noe, kaipate-nohae pa letu fefemotui temekete. ¹³ Teba Yahudi nararau jamote-e, tepajupate-e hatui, Tata Oke batike otefaepa tejapa teba letu fefe hemetei tetujue, tenie: "E-nihaju Oke bati ka-Paulus pilei-i." ¹⁴ Teba jaite-ei kebarube Yahidi-te janoloi Tatapake hahake teba napahi batikeke Skewa. ¹⁵ Pa letu-fei kelo: Tata Oke nifula, Paulus nilu, pa-e, Ewe-ba.?" ¹⁶ Pa keba letufe ke-kekei keoko te-kelohipateji-i pa te-ketokeloi, kaipa bafapa nowepiupa te-mejeta ke-kebai pake keto. ¹⁷ Teba Efesus tupai jaiteri, kei teba Yahudi pa teba Yunani, kaipa teve-fata pa Tata Oke batike pi-tenie. ¹⁸ Tebafai nawo keteji, teto pa keteji tebapaho, tera jai lau telapa tetenaia. ¹⁹ Tebafai nawora, jamo teremoi, ropupepei telufatapa ratete tebapaho. Ropu teremoi taimbe ahapepe napapanopo. ²⁰ Janoi loma teweni Tata pifeke kapakui pa nave pewenue. ²¹ Kaipa wa jalelepai Paulus kepule ketiti Yerusalem-le kele Makedonia pa Akhaya. Kelo: "Nireiu Roma rai." ²² Pa keloko teba poha kekehitu-u, kei Timotius tena Erastus, tenake jatotete Makedonia, pa kei banararau kelei Asia. ²³ Pa-pui Tata Lomakewe piputelae. ²⁴ kei kebau batikeke Demetrius, keba perak janoloi, tebate Artemis pate perak pakelei. Janoikeloi janapepe nawo te tebajanore-e. ²⁵ Tebafaipa teba janokaure-ei keloko telufata janopai pa kelo: "Ebaletu, e-lu, janowei janahefe penuetu.! ²⁶ Uawe ewo-fu pa elu, anane Paulus, Efesus faka, Asia tupaira otefa pa teba nawo teteri teninawea, ja-no-oe-epa jano eloi tebateka. ²⁷ Lumanoi jano nenewe-fe kotenaji, pa Artemis-parai, pebate bapalei, fepewewto pa bati letetetu. Pa Artemis pewo, Artemis teba Asia tupa tabejate-e pa fito tupa noka, notipepe letetetu." ²⁸ Piti-i teriko tehefe, kaipa hipanapa tehe-e, teni: "Teba Efesus pebate-tete Artemis peba bapatete." ²⁹ Nofetupai tewenaka pa telepa teke jaramena-pa kaipa Gayus tena Aristarkhus tere, tenakeba Makedonia pa Paulus kopate loma-ali. ³⁰ Paulus titi tebapaia hou, pa teakokeke wenika. ³¹ Kipa tebatafa nararau ja-Asia Paulus bapatete, pi-tewenito-ke u-jaramenapai ke-ketitika. ³² Jokatapa teba lume pai tehiwae; kou lowe pa tekau nikei, tebalumei teheke pa tebafau terika teluko jatetete. ³³ Kaipa kebau batikeke Aleksander tejarutute teba Yahudi-ho. Pikewe tebapa jalewai. kipa no-nakeoi papikelei pa pinakelei nokokele tebapa. ³⁴ Pa pu-teri, kei keba Yahudi, telupa hiwa raku hitu jupepe: "Pebate Artemis peba Efesus-tei pebatete.!" ³⁸ Peanya anara Demetriua pa teba janore-ei piputela kebau, kei tebapaho kotu pa kebatete ramole, kei tebahitu pitehejaei earerei. ³⁹ Pa anara jau e-putu, hupala e-ei etupipi tebapaho. ⁴⁰ Pa nefenewewete ne-tehejajajte, kei ne-uai pipunelane, jaura neweko lananini ko nebamua netoto teba pipulaei." ⁴¹ Pa piti-iapa tebafai keloko temepu.