1
Kaipa Paulus Atena keleikapa keti Korintus.
2
Korintus-i keba Yahudi-u kefi batikeke Akwila, keba Pontus-te. Keua ka Italia to tena Priskila, eke, kei kebatete Kladus loko, teba Yahudi Roma tete-eeke. Paulus keti pa-tete.
3
Pa jano ahaali tere-e, kopa telopa te-ei. Telupa janore-e, kei telupa fatejanotere-e.
4
Pa Tata bake toupa Paulus pikelei lupopopa pa ke-eneko teba Yahudi pa teba Yunani ketejiji.
5
Pu Silas tena Timotius ja Makedonia-to, Paulus Tatapefeke tupa pikelei, ja kefui pia pikelei teba Yahudi, kai Tata Okei ke Tata.
6
Pa tebafai ke-tehefe pa pa tenaji, tu-moroi kehinapale, pa kelote-te: "Hi-meme koheto fefe rube-memewo; ni-tu, jau nilete feka. Uabawe ni-rere tebapapahile."
7
Kaipa kemoia keti, pa keti kebau batikeke Titus Yustus pake, lupopo kelepatei Tata, pa pa-kekei lupopo-papa watupa.
8
Pa Krispus, lupopo-pa rube, kepa paikeke tupa Tata keteji, pa teba Korintus nawo, Paulus pilei-i terie, keteji pa notete teni patehe.
9
Rapabau Paulus jakefui Tata pikelei-ke: "Me-fufuka.! Pifewe mepepolomameme pa roropa mepememeka.!
10
Pa kei Ni-lakule-me pa baura me-nokefefekale pa me-kekakale, kei teba Nine nawo te-ete nofe-wea."
11
Kaipa Paulus lei-i felaro alipajopa pa Tata Pifeke ke-nalui tehou.
12
keipa Galio rube tete kewe Akaya-pa, Teba Yahudi telupa jalo Paulus kopa tehalae, pa keteketute tebapaho.
13
Teninawea: "Kebawe ke-enako tebawe lupopo jatetepate-e Tata kei kei Tata ma-ke kuetela.
14
Pu Paulus pi-kekekakale, Galio lote teba Yahudi: "He eba Yahudi, anara pi-eweketewe janetetefe na jafefenete, kei pi-e-ei niwe,
15
pa anara piti ni-lako ekakiele na bati na ma-lewaetu ebafawe, kei ewo tupipi; noniwenoka pihopei noi nimopa lelele."
16
Kaipa te-kekaju je-pitete-ei.
17
Kaipa tebafai Sostenes tepitewo, kepa lupopo-pa rube, pa teketupaja tebapite-e-ho; pa Galio jaitete-ei pinara keleka.