1 Kaipa Paulus Atena keleikapa keti Korintus. 2 Korintus-i keba Yahudi-u kefi batikeke Akwila, keba Pontus-te. Keua ka Italia to tena Priskila, eke, kei kebatete Kladus loko, teba Yahudi Roma tete-eeke. Paulus keti pa-tete. 3 Pa jano ahaali tere-e, kopa telopa te-ei. Telupa janore-e, kei telupa fatejanotere-e. 4 Pa Tata bake toupa Paulus pikelei lupopopa pa ke-eneko teba Yahudi pa teba Yunani ketejiji. 5 Pu Silas tena Timotius ja Makedonia-to, Paulus Tatapefeke tupa pikelei, ja kefui pia pikelei teba Yahudi, kai Tata Okei ke Tata. 6 Pa tebafai ke-tehefe pa pa tenaji, tu-moroi kehinapale, pa kelote-te: "Hi-meme koheto fefe rube-memewo; ni-tu, jau nilete feka. Uabawe ni-rere tebapapahile." 7 Kaipa kemoia keti, pa keti kebau batikeke Titus Yustus pake, lupopo kelepatei Tata, pa pa-kekei lupopo-papa watupa. 8 Pa Krispus, lupopo-pa rube, kepa paikeke tupa Tata keteji, pa teba Korintus nawo, Paulus pilei-i terie, keteji pa notete teni patehe. 9 Rapabau Paulus jakefui Tata pikelei-ke: "Me-fufuka.! Pifewe mepepolomameme pa roropa mepememeka.! 10 Pa kei Ni-lakule-me pa baura me-nokefefekale pa me-kekakale, kei teba Nine nawo te-ete nofe-wea." 11 Kaipa Paulus lei-i felaro alipajopa pa Tata Pifeke ke-nalui tehou. 12 keipa Galio rube tete kewe Akaya-pa, Teba Yahudi telupa jalo Paulus kopa tehalae, pa keteketute tebapaho. 13 Teninawea: "Kebawe ke-enako tebawe lupopo jatetepate-e Tata kei kei Tata ma-ke kuetela. 22 Kekakoti Kaisarea pa ke-etifera pa tabejakele Tatabapake, keraka keti Antiokhia. 23 Kei banararu kelei, keraka, Galatia htutei ke-pakotupa pa Firgia nafe kelolei teakokeke. 24 Jokapa keba Yahudi teu to Efesus batikeke Apolos, Keka Aleksandria to. Keba pikelolata pa Tatapifekewei kelulatafa. 25 Tata lomake jatenaruko kewe. Hupala rauwaepa pikelei pa Tata Oke pike bamuawo kelei, pa kelukoi Yohanes teba pakele tehe-e. 26 Navepa jakenalui lupopopa. Pa pu Priskila tena Akwila-ri, ke-keketute patete pa Tata Lomake kenalu huhufa. 27 Kei Apolos keletiti Akaya-le, Tebaletu te-e Efesus ropu tewenite teakokeke te-ei, u-ke-tekeke. Kekakotiju Akhaya kaipa ke, Tata hevekeko, teba Tata keteji-i ketekehuhufa. 28 Pa hupalanavepa teba Yahudi kopa tepe-e tebapho pa kenalu Tata Okei ke Tata.