¹ Paulus Derbe pa Listra raketi. Kei hahakeu bati keke Timotius; makei peba Yahudi pa jatenaruei kepewi, pa rekei keba Yunani. ² Timotius-we letuke teete Listra pa Derbe-i ke-tefijata, ³ pa Paulus ke-pule, lokekakale keralala. Paulus loko kera noletetapu kei teba Yahudi teete jetai, kei teba tai teri kebai ke-rekei keba Yunani-te.

⁴ Lo-teja nofeu te-nofeuPaulus tena Silas hahake pa teba huhu piteteko keteja Yerusale pea tenake wetujai, u-Tatabapake telala. ⁵ Anaia Tatabapake hupala nave tere pa jopajoepa teba lako nawoe. ⁶ Je Firgia pa Galatia telepa, Tataletuke te-ekokuko Tata pifeke tenaruru Asia. ⁷ Pa tejako te-Misia teena teletete Bitiniapa jatai, kipa Oke Letuke keweleka. ⁸ Misia telepa, teteju Troas. ¹¹ Kaipa nena Troas pa neneju Samotrake, pa fepa neneju Neapolis; ¹² . keipa nene Filipi, nofe lopana Makedonia tupa, jei teba Roma te-e. Kei banararau netene. PAULUS TI FILIPI ¹³ . Tata bakepa nemoke tilo-tete nofe. Ne-lapapefa ne-palupopo Yahudi-u nefi, nero kotuia; netanu-pa, pinete teume fau lumeia. ¹⁴ Teumafamei pebau batipepe Lidia pinetenei peru. Pebai pewa Tiatira nofeto ru-tule jatapetue, lupopoja petupate-e Tata. Tata pu-pepe kewe, ko-ja Paulus nalui-i peru huhufa. ¹⁵ Pateni pehe pepa paipepe tupa, ne-pefawa, penu: "Ana ehuo, niwe bamua Tata ke-nihi, elole-e panine." ¹⁶ Bau nene lupopo pai, pebau nefi balefe heko nopepe ko jalelepa pefue; jaipetupa tebatafa jahelo tafa tere-e. ¹⁷ Pewawuko Paulus pa ne-kue pa pehiwapate-e, penu: "Tebafawe Tata Etimole bapohake. Te-loma tete jehavetu tenaruete." ¹⁸ Jai petu banararau. Pa Paulus jai lokelako kehufe, keput kelo letui: "Tata Oke batike nilo-me memokememe peumei." rakuiara letui kemoketi. ¹⁹ Pu teume rubei tefu, kei jana tererte lete, Paulus tena Silas tere, kaipa te-teretute jataje ko tere teba tafa-ho. ²⁰ Tenake teretute teba rubetafa-ho, pitete tenake, teni: "Tebawe nofe nene tetakiate,tei teba Yahudi, ²¹ pa le-jatenarue, kei neba Rum jai neroroka na nelalaka." ²² Pa tebapa jalo te-eteju. Kaipa teba rubetafa niko ro-tete teju pa te aripa teji. ²³ Te-teji lalae, ko te-terekete apa. Apa rube teniko te-bamua eheamomo. ²⁴ Anara pitetei, apa rube tekelokete ja-hou pa tae tete-a-nafepa tero. ²⁵ Kipa rahoupa Paulus tena Silas lupoo pa jala-tete-ete Tata pa tebafa me-apai terie. ²⁶ Kaipa matete bapalewoka, ko apai lete; rakuiara apa-tiloi jefata pa a-teba tepemoira kofafata. ²⁷ Pu apa rube keluweko keleho kekalo pa kekalete apa tiloi jefata, tanufo kuhilei kekeko no-keke kekikile, hupala kekei, teba me-apai temejeta fata. ²⁸ Pa Paulus pina kafepa kehiwate, kelo: "No meme metakukuka, ne-ara motewefa baura o-ka. ²⁹ Keba apa rubei loko ra-teketuto, pa kemokataketi pa notetejaketoe paketaku Paulus tena Silas-ho. ³⁰ Te kalokaketi-pe, pa kelo: "Eba tafa, ja-ni-lelele, u-ni heveve.? ³¹ Te-nite: "Tata oke kemimi u-me hevevetu, me-pa paimeme tupa. ³² Pa Tata pifeke huhutete-ke pa teba te-epa kekei. ³³ Rakuiara apa rube te-kekati pio mono-tetei kelole. Pa rakuiara ke-pa paikeke tupa no-teni patehe ³⁴ Kaipa te-kekati pa-keke pa jajo kele teta. Pa hupala keke rauwa, kei kipa paikeke Tata keteji. ³⁵ Fe-pa tebarube nikoteba janore-e nofe tete keba apa-rube teni: "Teba hitui pofe.!" ³⁶ Keba apa-rube piti-i ketilo Paulus, kelo: "Teba rube nofe-ni enake niloketete; peanya uawe enake mokerere; peanya uawe enake mokerere pa enakeha noheferere.!" ³⁷ Pa Paulus lote teba fai: "Ne tebapaho earekapa ne-eji, nebapa Roma, tebapaho, pa neelokete apa. uawe ne-roropa eloketetele.? Noi eleleka.! Tewoto ne-tereketete." ³⁸ Teba rubei tenite tebarube nofe. Pu-teri, kipa Paulus tena Silas teba Rum, tefe. ³⁹ Teto pina hevetenipa hahake hitui teretukete-pe pa tewa, nofewe tenakeweritete. ⁴⁰ Kaipa apai tekeriti pa tete Lidia pape; pa tebaletu tefi-i pa tepinaheve teni-tepa, tenakera-ja.