¹ Teba nararau ja-Yudea te-Antiokhia pa jatenarue letu-tete teei: "Anara e-noletetapoka anara leja Musa naluipipafe, jeheve ererekale. ² Keipa Paulus tena Barnabas pitejaji pa pi-tete-ei tewerite. Kaipa teri, u-Paulus tena Barnabas pa tebafau ja-Tatabapake te-tete teakokeke pa teba huhu te-ete Yerusalem pitaia te-tete. ³ Tatabapake te-teretujakete nofe pefua, pa te-ja tele Fenesia pa Samaria, pa jetai teba Tata-fijakai teputoi pea pitete-e. Kei letu te-ei hupala nohaitafa. ⁴ Tejako teju Yerusalem Tatabapake tetere pa kei teakokeke pa tebahuhu, pa jalelepa Tata lei-i tei huhutete-e. ⁵ Pa tebapau ja Farisi, Tata keteji-i, teto pa teni: "Teba Yahudi-kai nole etapopo pa telatakoko Musa ma-ke. ⁶ Kaipa teakokeke pa teba huhu pitai tete tebapaho. ⁷ Bananararau wepa hupala tere-e jalewai, Petrua kalopa kelo-te: "He ebaletu, e-lu, balopanafua Tata ni-keke e-hou, ko lau ninepa tebapapa Tatapifeke teriri pa ketejiji. ⁸ Pa Tata, teba hupalate kelu, Tata hupal Keke kenaluko te-kelo, kei Letu-Keke kekeleheto-te anara pu-ne, ⁹ pa Ke-nepa-te kekika, keipa hupala tete noleketapu kei hupalanave tete. ¹⁰ Anara noi, jatuko Tata elolu kei ja-rampapi ewefe teba Yahudi-ka, te jobepakama tete to newo.? ¹¹ Ebaletu ke-ehikana kei janoalipa teba lelepa kelofe, kei ana ja-afia wa Tata Oke.?" ¹² Pi-netenei-ka, pa tebapa lolaepa Paulus tena Barnabas jalopa Tata lei wa-te te-teba Yahudi-ka. ¹³ Paulus tena Barnabas pitetelopa, Yakobus kalo pa kelo: "Ebaletu, loelae-ni. ¹⁴ Simon huhukele, lupanawo Tata heve Keke kenalu tebapapahi, kei bapau kelo wa te-te bati Keke. ¹⁵ Pitai wa-bapohake anara potukotu: ¹⁶ Pa Ni-pololole pa Daud fate-ke tapei Ni-wehuhule, pa tapemotui lau Ni-ra wehuhule pa ke-Ni-hahale. ¹⁷ Ura teba kau Tata tejuju pa tebapalelepa Tata tefijakai, ka Ni-lo ja-Nine anaia pife Keke janoru fatatatu, ¹⁸ kei teri wa lopanawofua. ¹⁹ Pa noia hupala nine, kei te-toneruruka wa tebapapahi katepute Tata, ²⁰ pa ne-rupukeu puneteko tete-te, u-no-tete tetumenapotete wa jajo terenite tebate, jajo-fefe, na ati tejinofefete pa hi. ²¹ Pa watutufua Musa ma-ke tejapa huhute-e nofe wowo, pa wakoto uawe ma-i pi-tete-ete Tatabake lupopo-pa." ²² Kaipa hahake pa tebahuhu pa Tatabapke tupa pitewako teba nararau tereko terenitete Antiokhia tela Paulus tena Barnabas, kei teniete Yudas kera tenate Barsabas pa Silas. wa tebaletufai tenake teba notipa. ²³ Te-te ropukeu teweni putu nowea: "Tabeja wa teakokeke pa tebahuhu, wa johame te ebaletu le-ele Antiokhia, Siria pa Kilikia wa tebapapa-hi. ²⁴ Neru, kei tebafa nene nararau, pife nene teweka, jafefe tenaruko pu-nene tetaki pa hupala nene teteko taku. ²⁵ Peanya hupala alipa neruko teba noneruru pa teba nararu norete tela Barnabas tena Paulus telupa teba neputu, ²⁶ kei teba hitu nopara tete terenite Tata batike kei Oke. ²⁷ Kaipa Yudas tena Silas netoko tete, pijapo netewe tetenini-e. ²⁸ Kei Tataletuke pa ne-lupa-ru, u-e janawo terefefeka kei pulefa: ²⁹ Jajo terenite tebate tuelalaka, wa-hi, pa-wa jako ketefo pa-wa janofefe. anara no-e-e Jalelepawe eawale-ele, ja-heve ele. Peai, heve." ³⁰ Pinateni pa, Yudas tena Silas teja tete Antiokhia. Kei teniko Tatabapake telufata, pa ropui tenakeweni-te. ³¹ Ropui tefu, Tatabapake hupala tete heve kei rupunai pina heve penu. ³² Yudas tena Silas, tenakera Tatabapoke, letu tetei pitete jotafa pa nave tereni hupala tete. ³⁹ Pitai tuto tenakewowo puputela, kaipa tenakeheke pa Barnabas Markus kekepa tekete Siprus. ⁴⁰ Pa Paulus ke Silas keke, pa letute ketekenite Tata heveke ⁴¹ ke-ka Siria pa Kilikia kepakupa Tatabapake nave kelole.