1
Ikonium-ra teakokeke hitu kete lupopo-pa teba Yahudi, jatenarui noiko, ko-teba Yahudi pa teba Yunanai nawo keteji.
2
Keipa teba Yahudi, pifewe tejaji, teteko teba Tata tefijaka tehefe pa teteko johanei tenaji.
3
Paulus tena Barabas banararau tete-ei. Tevekapa jatenarue, kei Tata-va keteji. Pa Tata pipate Kekei nave kekeleko pitete-e pakei ma Ke-lolete-ko jakoli pa jalopa tete-e.
4
Pa tebapa te-e novei teje kehitu: tekau la teba Yahudi, tevakau la teakokeke hitui.
5
Kaipa tebawe Tata tefijaka pa teba Yahudi lala teba rube tete pipou telako teba tetupajie pa hahake hitui wu terue.
6
Hahake pi-i kuto teripa, notetumena nove motu Likaonia, kei Listra pa Derbe pa jetai.
7
Kei Tata Pifekei tenarue.
8
Listra-fu bau kemofamo, kei tae keke eku pa fubale pu make peketaha-a pa lora kekaka.
9
Kemopa lokelai, Pu Paulus pilei. Pa Paulus kalefaku-ke pa kefu, kebai hupalanve pa ke-nohae-etu.
10
Kaipa Paulus pinave kele: "Tae memepa nave mepeko maloruho.! Kaipa keoeti kalo ru, pa lokekati-tolei.
11
Pu teba-pa Paulus jalei tefi, tehiwa Likaonia pilate: "Tebate rapuhetopu ne-hou nopara tete anara neba."
12
Barnabas-i tenie Zeus pa Paulus-i tenie Hermes, kei kea pilei.
13
Kaipa teba rube Zeus bate, lupopo-pa tete ko nofe pefu, jako pa hepa teretute nofe tilo ko teba-pa patelupa renietete hahake-i.
14
Piti-i teriko Barnabas tena Paulus ro-tenakete teji, kaipa tena ke-ketepu tebapa hou pa tehiwa:
15
"He eba fawe, jatuko janowe ele e.? Nera neba aha ana ebafai. Netenetewei Tata piveke nenarunete, u-jano fefewe elojatete pa emopolele Tata batutu, kea peta pa fito kelela, ja pa jalelepa motu toi.
16
Totofu Tata bapapa kelofepa loma tewowo jue,
17
Noiapa no-Keke kenaluka-ka jano lelepa, kei fu-wa peta heto pa hatu jana penue-e. Hupala e-e jajopa kelepate e-nohae pa rauwae."
18
Hahake piti noitela, keipa jatelara tebapa etejuka ko-jateretuteni-te.
19
Kaipa teba Yahudi ja Antiokhia pa Ikonium pa te-tefajako tela-te. Kaipa paulus-i wu terue pa teketupete nove pefua, kei tenira, ke-wa.
20
Petuipa hahake tepaju ke-ko, kekalo pa keketi nove. Fepa tena Barnabas teja tenakelupa te-Derbe.