¹ Pui Antiokhia jetete-ei Tatabapohake pa teba janarue, kei: Barnabas pa Simeon kera tenie Niger, pa Lukius keba Kirene, pa Menahem keteketuwate-e Herodes jeke, pa Saulus. ² Bau pu-lupopo jatete-ete Tata pa Jatetaka, Tataletuke kelote: "Barnabas tena Paulus eloletoto-Ni kojano Nilokowea tererete." ³ Kaipa Jatetaka pa lupopojatete-e, noterefe tekeba hitui, terenite tenakeja. ⁴ Tataletuke lonya, Barnabas tena Saulus te- Seleukia, pa keiapa tenakete Siprus. ⁵ Teteju Salamis Tatapifeke tenarue teba Yahudi lupopo-pate. Pa Yohanes laku-te pa janoloi. ⁹ keipa Saulus, kera Paulus teniate, Tataletuke pokebatupa, kekale-ke, ¹⁰ pa kelo: "He kebate oke, opalelepa hekopi pa mebafe, jalelepa heve me-teheve, memitapukana Tata Loma tololoke mepepumepe.? ¹¹ Uawe, mekape, Tata nooke mekeloki, pa me-jamefoka, banararau ra-mefufukape." Pa rakuiara kebai ana jatoputaha pa lupa, pa nokepei teba kejuko ke-teketujaja. ¹² Jalewai kefoko, kebatetei kekeki; Tata janoke kei kekepe.

¹³ Kaipa Paulus pa holake Pafos tekeriti pa tete Perga kei Pamfilia; kipa Yohanes te-kelufate pa kepuna Yerusakem-ti. ¹⁴ Teja Perga patejapoloja, pa teteju Antiokhia kei Pisidia. Tata bakepa tete lupopo-pa, pa temeia. ¹⁵ Ma pa Tebapoha rupute tefulopa, tepa tafa janorie Tatapeke teniko tehowe-te: "Johane, anara e-pitiu elako tebapawe navetewewete pa tebapawe-eleko hupalaheve, ele-e.!" ¹⁶ Kaipa Paulus kalo. no kekepa nakeo, pa kelo: "He eba Israel pa eba Tata efuele, loelae.!" ¹⁷ Tata Israel bapate-we jobepakama nene, pa keleko tebapa bapale, pu tete-e Mesir teba metolake. No-Keke eteko pa te-Kelokamuke jeia keto. ¹⁸ Jopepe felaro nopopahitu pu-Ke-kape hupalanave tete tete-e tahou. ¹⁹ Pa tebapa napaheto taku Kanaan hatute, hatui Ke-kole te-te ko pipave ²⁰ ba anara felaro noponapapaali. Keikapa tebapijaete Ke-lolete wakote bapoke Samuel. ²¹ Keipa keba teteu tewa pa Tata Saul Kish oke ka tebapa Benyamin kekele, kemo felaro nopopaali. ²² Pu Saul kekefu, Tata Daud kekeeti kebatete tete. Daud-i Tata loko: Daud Isai oke Ni-ke, keba Ni-pue pa jalelepa Ni-loei kelai. ²³ Pa wa pipave keke-ia, anara Ke-loko, Tata Keba eba Israel kelofefeleu kekefu, kei Oke. ²⁴ Pu Ke-totole Yohanes kapa hiwa teba Israel tupa u-epololo pa noe-e elole pateni ehehe. ²⁵ Pa pu Yahanes jano keloko kakatu, kelo: Ni-we Keba ehoeka, pa ni-kau ketotole. Lahepu motu tae Keke nilele-ra ahaka. ²⁶ He johane, eba Abraham leke, pa eba Tata efuele, pife heve tenikoto-ne. ²⁷ Kei teba mete Yerusalem pa teba rube Tata Oke ketejika. Pa Ke-tejako kewa, te piti Tatabapohake nikoi pea fepato tenie Tatabake. ²⁸ Pa pihupeu tifikako tejati kewawale, pa tewa Pilatus-u Ke-tejati kewawa. ²⁹ Pa jalelepa putumotu Ke tetetipa, Ke-teke rari heto, pa Ke-teketute kei fulu. ³⁰ Pa Tata Ke-keleko kelefutebabito. ³¹ Pa banararau no-Ke-nalui teba lake-Ke wa Galilea te Yerusalem. Tebafaia tea uawe jalutopatefo-Ke tebapawea. ³² Pa ne-uawe pinaheve ne-tepate-e, kei jateniko tewenini jobepakama nene, ³³ Tata jakeloko-nei keletepa, pipave tete, Oke lefuto, ana putukotu mazmur hitu: Une Me.! Me uawe ko-Nile. ³⁴ Tata Ke-keleko kelefuto pa lau ke jatefefetu kefufukale. Jai Tata loko pife keke wea: Ja-tu Ni-loko-ei nitupiko papafa te ketejiji, kei Ni-lole Daud. ³⁵ Peanya kelokoto mazmur-hi: Teba-tu Meme Me-pojate jahafefe tefufukate. ³⁶ Pa Daud pu kemofu Tatahupalake janokelo, kaipa kewapa itete jobepakama keke-tu, pa kei tekenite jafefetu. ³⁷ Pa Oke, Tata leko kelefuto, noi-ka. ³⁸ peanya elulu, he jopalala, wa Ke kotenite-e nole Ke-tapu. ³⁹ Pa wa Ke-ara eba keehi nole e-e nope ewe wa nole lelepa, kei uloka wa Musa ma-ke. ⁴⁰ Peanya, hupalamomo, u-elewawaka ja nukotu bapohake ropu: ⁴¹ E-emomo, he eba teba enahiele, kehihi pa luhaha, pa jau janonilolo pu-emolewea, janou, kei keehihikale, anara huhu tete-e." ⁴² Pu Paulus tena Barnabas mekete, te-tewako jana pilau tete Tatabake tototu. ⁴³ Lupopoja tetelopa, teba Yahudi nawo pa teba lake lupopoka Yahudi Tata tefe-e, tela Paulus tena Barnabas; bapohakei hitui te-jatenarue pa pitenarue u-telatakeke Tata hupala heve-ke. ⁴⁴ Tata bake laimpa teba novei kara tejalo tolupa Tata pieke terie. ⁴⁵ keipa, pu teba Yahudi teba nawoi tefe, hu tete makife pa ifapu, ja Paulus loi tenaji. ⁴⁶ Paulus tena Barnabas tefekapa teni: "Bamua tete e-totu Tata pifekewe teninite, kipa eoe pa ekalete noe-ei janaraka ko eleta-ele. Peanya nepuna teba papahite. ⁴⁷ Pa kewea japo tetemo-ne: Me Ni-loko fefe mame tepapa Tata tefijakafua, ura pina hefewe mamakomeme fito hupe." ⁴⁸ Piti-ia teriko teba Tata tefijakafu hupala hevefa pa Tata pifeke piteni; pa teba lelepa Tata lo-tetenaiaete, ketejifa. ⁴⁹ Kaipa Tata pifeke tejapa narue jetai. ⁵⁰ Teba Yahudi teume tipa Tata tefe-e putere, pa teba tafa te-e nove-i, pa te-janofefe tete-e Paulus tena Barnabas pa tetetuju jetai. ⁵¹ Keipa Paulus tena Barnabas tu-tehinapate tae tete keianara pinafe tete tebai, pa tete Ikonium. ⁵² Pa teako te-e Antiokhia hupala heve pa Tata Letuke hekopi.