¹ Pui kebatete Herodes pinave kelei tebafau ja Tatabapake. ² Keloko Yakobus anabepa tejako kewa, kei Yohanes joke. ³ Ke-kalete, jakelei teba Yahudi te-puto, jano koli-i lau kele pa keloko Petrus teke. pui batete hao nafa. ⁴ Petrus tekepa, Herodes loko tekefaketi apa taba fa nopo herere, fa-ali teba taba nopo. Ura, batafa kau ke kenalulu tebapate. ⁵ Anaia Petrus tekeketi apa. Pa Tatabapake lupopo fatete-epati Tata. ⁶ Rapa bau Herodes tebapa ho-kekatikapa, Petrus-i taba hitu lahou, anafe hitu patepekokei. Keipara taba herei tere tilu. ⁷ Lehoto Tatabapokeu ru-Petrus ke-tu pa fefe hetopu jei. Tatabapokei Petrus nokefiko kekalolole, kelo: "Mekokofa malo.!" Kaipa anafe hitui lepa nokeke. ⁸ . Kaipa Tatabapoke lote: "Opu amepe pa lahepu mehe.!" Kela jakeloi. Tatabapoke lote-ke: "Ro-mefa pa mepapa-ni.!" ⁹ kaipa kela Tatabapoke pa ketepe pa keluka, ja Tatanapokelei-i bamua lewae, kelora jama kefui. ¹⁰ kei teja teba here lopana pa je teba here hitu, tejakoteju tilonafe howina novete. Tiloi pewo buju te tenake. Tejakote-pe, tejakote loma hupe, pa Tatabapoke ke kelufa. ¹¹ Keroko taha-apa, Petrus lote: "Uawe nulu Tata loko Bapoke to pa ni-kekefu herodes no-oke pa jalelepa teba Yahudi putumo." ¹² Ke-ruko hukeopa, keti Maria pape, Yohanes make Markus-ra tenie. Kei tebapa lume pa lupopo jatete-e. ¹³ Pa pu tilo tete keloki, bapo peumeu to bati pepe Rode peto lowawato ba tilofi-ile. ¹⁴ Pinai perue kei Petrus, pa hula pepe hevewonya tilo tetei pejeka pa pera wanaikete penu tebafai, Petrus rule tilo tete-to. ¹⁵ Tenite peumei: "Me tahakatuna." Pa pe-pinafe peto, kei bamua. Tenite: "Kei bale keke." ¹⁶ Pa Petrus tilo kefi polokai pa tilotejeto ke-tefi, kei te-kepe. ¹⁷ Pa Petrus no-nakeo, u-teroropa, pa huhu kele Tata ke-kefu apa-keto. Kelo: "Jalewawe Yakobus pa johane huhu e-lele." Kaipa kemoketi-pe pa keti jehiu. ¹⁸ Fepa tabai tewenaka. Te-jete-jete te-e ja-lewa Petrus. ¹⁹ Herodes loko Petrus teju. Herodes loko tabai telafu pa te-tejiko tebi. kaipa ke-ka Yudea ti-Kaisarea pa kelei-ia. ²⁰ Herodes teba Tirus pa Sidon ke-huve. Pi tewako alipa teteke-ho. Blatus te-faja, kei janoloi Herodes paike, to-la-te, pa tewa hupala heve, kei hatu tetei jajo tere-ete kebatete hatuke. ²¹ Pa bau teniko, Herode ro fuje kemoi kehe, pa kemo fuje pa pi-kelepati-i-te. ²² Pa bapa keke tewenaka tenite: "Kewe tata pinake teba-ka.!" ²³ Pa rakuiara Tatabapoke ke-tabe kebale kei Tata tabeja keleka. ²⁴ Pa Tata pifeke kapakuko tifu pa teba nawo-ri. ²⁵ Barnbas tena Saulus teme Yerusalem-to, Tata pifeke tewetujalo. Yohanes kera teniate Markus tekewapa ketuto.