1
Hahake pa jupalala te-e Yudea teri, kei tebapapara Pife Keke tenaru.
2
Pu Petrus tiju Yerusalem, tebapa nole-tetapu pipotela-ke.
3
Te-nite: "Mekeme teba nole tetapuka pate pa ja-elupa-ae."
4
kaipa Petrus jalelepai oofa kenalui, kelo:
5
"Lupopo janile-e Yope nofete, jokapa letunine tata-ma-ke hetopo pa jau lutopa nefoe: jau ana roriu wa lako nopo rapu peta heto ju ni-ho.
6
Nikalefako pa ti jako apata nopo lelepa pa jako fupateate hape pa ja huru patepeete pa ta-jiate.
7
Pa lo nilate pinai nunawea: Malo, he Petrus, jai mepapa mama.!
8
Kipa ni-lote: Nione, Tata, nione, kei ja-nenakatetepa jafefe lau nine keteka.
9
kipara pina lahituira wapetaheto penu: Ja Tata lo heve, ve-mepopoka.!
10
jai lewako laheto tafa, pa jai pera mona petate.
11
Pa rakuiara teba hetou re-patilo nine, je-nelaku; te-teniko teja Kaisarea-to.
12
Kaipa Tataletuke lote ni: Mepa kopa erere mefufuka! Pa letu teba napahi tela-ni. Nekene pa-kebai,
13
pa huhu kele-ne, tunane Tatabapoke ke-fu keru pa-keke pa kelote-ke: Teba mepoko tetete Yope Simon kera Petrus teniate tekeketutoto.
14
Pifeu kelotete-ele, kei heve peputoto-me ps pai-meme tupa.
15
Pa pu pi-nile-e, Tatabaleke hetopu-te, anara lopa tu-ne.
16
kaipa Tata pitilamoi ni-o: Yohanis e-papa kele-ehehele kipa e-Tataletukepa ehehele.
17
Nya ana Tata hupala Keke kelole-te anara kelole-ne pu Oke keneni, tunaneko te-enihuhule.?"
18
Pu jai teri, tete roropae, pa Tata pitenie, teni: "Nya te-teba papahira Tata te-kepu kelolete tememe.