NEBA TENENE BAPEFUA E-emomo bape-etu jalelepa kajujutu. Nebawe nonenewo neo-ote pa taimbe bapuke. Otefa pa notenarue, teba tenajie, teba huhu pipo telae pa janawo tewakate-ete, lupopo kawe tefujaka, pipate tetekate-ete, hupala heveraka, teba tenaji, notete tefujaka, huve, hukukufa feetu, jaheve teote, teba monaji, hupala teeka, anara jateri, hupala fei teputu pa Tata-i teote. Anara lupopo jabamua tete-ete, pa bamuai nave tete tenaruete. Tebai elalaka.! Pa tebafai tebakau japake-ete tebahi pate pa teume lolo fefe jaete nole nawoi atepe pa hupala fefelelepa hekopi, kei jatenarurutepa, pa jebamuai tefijaka. Anara Yanes tena Yambres Musa pitejajie, anaiara jabamua pitejajie. Hupala tete taku pa hupala nave tete eku. Pa kei bamua tejana totetekate, kei anara Yanes tena Yambres, topo tete ua-apetu tepaho.

JANOFEFE TUKO HUPALANAVE TUETO PA PU ROPU OLE NELAVUNE 0 Pa janinalue mepa, nile-none, nopara nini, hupalanave nine, punihape-e, heve nini, pa nave nine. 1 Mepapa janofefe tete-e pa janofefe anara tete-e Antiokhia pa Ikonium pa Listra. Jafa-lelepai niloe pa Tata nikekefu jalelepai. 2 Kei bamua neba lupopo jatenete Oke-i jafalelepai neronete, 3 pa teba fefe pa teba ohe-ete tei fetafa, teba tetepate tehae pa tewora hae. 4 Pa jaheve mepo pa kememi-i mepetakoko, pa meotakoko keba mejakenalui. 5 Meokoko mehapapa Ropu Ole-we mefupa kei mehupala heve pewenu pa mepeputyete jehefe kei hupalanave meme ko Oke. 7 Noiau neba Tata bake jalelepa heve ketupiko papafa.