MEKELOKO JANO MEPOMEME Tata tena Oke hote tenakeba neba mote pa tebabi ma-tetete, bamuawo nilote-me kei pina Keke pa Paikeke: Pifekeke pimepememe, baheve na fena nometupipi, jafe pimepemeho, ememumu pa pumapepepa pinamepepe pa menapumeme Pa bapepe tototu, teba jaheve tenaruete teririote, pa te-koru-koru teluko hupapu tete nohae-etu jalopa terie. Jabamua teririote pa huhuowea teriete. Pa jalelepa nomeme metupipi, jafefe pumapepe, pife Keke jano mepomeme pa jano keke mepoko kaka. No-ninewe, hi-kuile anara newelelele pa ba-niwuwule watu. Nahuhufa niokeratepe, nihakore ta-kolepe pa hupalaheve niawale huhufa. Uawe Tata hawuwu bamua ketupiko kekelelenile, keba pibamuakaki-ile, pu-ba-Keke; pa nifaka, para te-tebakaura Ke-totole pumotu.

PINA PE Me-enako mepopo-ni, 0 kei Demas-we fito putu pa nikekeliti. Keti Tesalonika. Kreskes ti Galatia pa Titus ti Dalmatia. 1 Kewe Lukas-fa anaketenete. Markus mebebe pa mapopo, kei jano keke heve te-ni. 2 Tikhikus ni-keleti Efesus. 3 Anara mepopope roeti niweietu Troas Karpus pake, lopanai ropuiroi. 4 Alexander jabinave keloilei, janofefe nawo kelei-ni. Tata falele jakelei-ni. 5 Mera ke-me-okoko, janenarunetewe ekekuile. 6 u lopana nonine tutanile-e, baura ni-kelaka, ni-tekeriti - noipa jai heto tepepopoka - 7 pa Tata laku-ni pa nave kekele-ni, u-wa-nipa pife kekewe nile tupapa pa teba lelepa Yahudi kai tera riri. Noiau jako lauwe nilufafa. 8 Pa jafefe te-ena tetenite Tata ni-tutakelele. Ni Ke-kefufule, ko nikerere Paikeke petafua. Kefa hupapuke konaiakoko.! Rupabe.

TABEJA 9 Tabeja te Priska pa Akwila pa Onesifurus paike. 0 Erastus leile Korintus pa Trofimus kenoe panikeliti keleile Miletus . 1 Ba-lelawe totokapa me-enako mepopo. Tabeja wa Ebulus pa Pudes pa Linus pa Klaudia pa wa johane. 2 Letu meme Tata latakuku. Pipate Keke watakoko-me.!