PASAL 2 LA HITU

KELOKO ELALA JAFEFE LEWAETU
1 Peanya, meaku, nave koko pipate hekotu Oke. 2 Jamepuni tebapaho, popepe teba kememi, tera teba kau jahuhufa tenaruru. Jano fefe tete-ete mepatakuku anara tabate heve wa Oke. Tabateu enaile jalelepa nokekera keo-okale, uu-keba robe keke kekekekiki. Keba naoile kekakoti jana kewewele, kei anara nakoeu anara tenikokoto. Keba lehe janoloile kea lopana janapepe kelolole. Janiloei mefo huhufa; Tata jalelepa keloleko mepupupe. Kewe meokoko: Tata Oke, kewako kelefutoi, make kepetaha-a Daud pipafeke, pea pinile-ele Pife nine. Pifekeke weako nijafefe tete-e, ko ni atepe anara niba fe, pa Tata pifeke baura apepekale. 0 Peanya punihape pajalelepai nilokote teba Tata tekekole, u-tera heve tewewe Oke noke te Tatahupalake batutu. 1 Pitiwe bamua: "Anara newula Ke-pa, Ke-pa nelupa tenenete; 2 Anara nelatakute-Ke, Ke-pa nelopa janoronenete; anara Ke-janefa, nera ja-Ke-fafale; 3 ana nelate paka, Ke-latakokole, kei no-Kekewo jakefafakale.

PITIKO TEBA JAFEFE NARUETE NEHALALA. 4 E-emomo pa elokoko lelepai te teba Tata hoke, piti afia telalaka, kei jai janaraka, jaipe teba riete petakuatu. 5 Me-enako Tata hoke meheve anara teba janore-ete mefufuka, piti bamuai mepemeho. 6 Pio pojatete pa tu-ka kei nole popewaetu. 7 Piti tete ana toto nowuatu. Kei teba faia Himeneus pa Filetus, 8 jabamua tewerite pa uawe tebalefupate-etui lewaetu pea tenarue pa noiako teba nawo hupala navete tetakiete. 9 Pa nave Tata wekui napajeho pa ma-i: "Tata teba Kekei kefela" pa "Teba Tata batike telaete jafefe terejatete." 0 Paitetei jabe emas pa perak faka, pa ri pa haturai; lopanai tereko jate-e je-etekotu pa pepapei jaetekokai. 1 Anara bau jafefei nokekamona poti, keketi pai jabe hupala etimole, ke tu, kebatete keke kalete keheve pa terepa refuko japa heve jano etemotu. 2 Peanya hupalafe aupa-ale emomopo, jaheve ehahue, mepatakuku, pipate pa hupalaheve nelupa teba hupala tupa Tata hiwaete. 3 Teba pipulaete emomopo, topo pa nonuka. Mepu jafai tetepate teboate, 4 pa eba janoloele Tatakake eboboka, pa tebapapa elehuhufae. Jabamua kenalui, pukekapepe 5 pa teba rube nave naruete kelokaka hufafa, kei Tata lo-keweleko temoputotote pa te kelokakakoti jabamua tefujaja, 6 pa noiau lau tetaha a-a, kei Kebatefa hupala kekeko teakepei kofafa.