JOHANE HUPALANAVE Teba huhu nave menapupuka, pa pina mepepe anara ai. Tealei pina mepepe anara johame, teume uputei mahume pa teaui johame wa nopara meme-tu.

TEUME TEBA RORO Teba roro bamuawoi tabeja mepepe. Pa anara pebarou teako na atihape te-ete, kei lopana lupopo jatenaruru paitetewo pa teba huhu janahevete merapepepe pa teume tebahuhu tete, kei keia Tata kepule. Pa pebaro bamuawo pebaro, pewofa tuetu, hupala penuete Tata pa bamua pewae pa lupopo fepapapa petue. Pa pebarou jalelepa-pa petuetu pa jalelepa nawofata, petuetupa anara pepanya. Jawe teume tebaroroi mepo terimomo u-tetehuhufae nole teteka. Pa anara pebau teako pepe pepuwatoka, na paipepe, kebai jai kekekika pa teba hupalanavera heve kei fefata. Nopewekete ana pebaro, kei teba felaro napahipaali, upo laali petu 0 pa jano heve perui euape, anara ko-pepuwatue, teba janopa petue, johape hupalanavei tae tete petapoe, teba wawa janopa petue - rifai teba lo-lelepa teweko jano heve tere-e. 1 Teau pa tebaroro notetuto umpa eloloka. Kei anara la-ali putuko ipo tetete Oke terifatitile, ipotetetete. 2 pa lopana telake Tata-i tepupute, notetewo ma-tetete. 3 Para teba pate tekete keto te-ete, kei teba nonape panonapefa ka, pa tebara pitete-ete pa tebahi pite tetepalaete pa piti fefe telae. 4 Peanya di-putu teba roro aui ipo lau tetete, ko tetete, janotere-e pai tetewo pa loteweninika u-tebahi teko nebati fefe. 5 Kei teba roro kau tetela kebate. 6 anara mebale na meume kemi-i teba paimemei kou pebaro, kei pewakou Tatabapakei rampapipika. Noiau Tatabapake teralapa janore-e peba bamua pebaro.

JA-NARARAU TENARU PA PITI-U 7 Teba janorete Tata pake janoheve reetei tabeja maki ele-e, lopanai teba janonave repa pifekeke huhuteatepa pa teba janaruete. 8 Rupu Tu nukotu: "Jako jakaile lau amepepeka," para "Keba janoloile jahelo elele." 9 Keba janoloile Tata pake tehejaete mepepeke kei anara teba hitu na hetora jalutopatefu. 0 Teba janole teete ememume tebapaho u-tebahi tera fefe. 1 Tata pa Oke pa bapohake Ke-kipa teho me-bamuawo ni-loko: ja-ninaluei teba mehemamaka pa baura mepapaka. 2 Tebai no-kukufa pofefeka pa teba nolete elalaka. No-meme tu-fa memomo. 3 Pafa mumuka, pa-nave jetale pepapa, kei kelo pepetu pa no-meme ekukuto. 4 Tebakau nolete uape, anara teja totete je-ma-tete-etefua, pa nole tebakaute uapa uape. 5 Anaiara jabamuai uaapetu pa anara noika, pewekokokatu.