PASAL 6
LA NAPAHI
1
Teba lelepa bapoi jarampapi tewejukoi keba tete tetei tabeja tetete, u-Tata batike pa ja-tenaruetei tenajijika.
2
a Anara keba tete tetei keba keki, ke-teoteteka kei johake lakete Tata Oke, pa kei jano huhufa tere-e, kei kebatete janotere-ei janaheve tete kei johake keji pa teba heve.
PITI TEREHIPU PA TAIMBE PUTUMO b Jawe enalue pa pititelae.
Anara bau jahi kenaluile pa jaheve telaka - kei Tata Oke pitike - pa lupopo janetenetera telate paka,
ke-i anara jakelu pamuai jalelepa keluka. Toto pepei anara pipukelalale pa piti kelopui, keleto teheve, tenaji, tehejae,
teba hupala heve keleko teme hohome pa jabamua lete, kei tenira lupopojai jana peri.
Bamua luppopoi anara jalelepa pai, jana heve pewenunutu.
Fiowe jau newenatoka pa nemokenenetera jau newenanenekate.
Anara jajo pa ro motu, keipa.
Pa teba enako jahelo nawowotui tetereko teihete, a-tepepe pa hupala fefe lelepa pa janofefe, neune nonetaku pa fenewe.
0 Nole lelepai kei taimbe putumotu. Taimbewea tejajuko tebanawo hupala heve tewerite. Pa notetaki nolelepa.
PINA PE
11
Pa he Tata bake, jalelepai memomopo, jabamua memamumeme, lupopo, mepatakuku, heve, pumapepe pa ekuku.
12
Naeoe na-hupalanave bamua pa netenaia nete. Anaia mekelo pa jakememai kebamua mema tebapafu.
3 Tata hoke jalelepa kelole natenene pa Oke hoke jalutopa bamua nefu Pontius Pilatus hoke, nihiwate-e:
4 Pitiwe mepapa, nolera pepeka, ko pu Tata nene Oke nokenalu,
5 kei bakeloko Kebatete ali pa hupala hevewo, Kebaetimole lelepa pa kebatete lelepa.
6 Keba aliai teba bietera kefuka, ke-eti mole fefei nelatepakatu. Baura Ke-kefuka pa bamua nebawe baura Ke-nefuka. Kefa tabeja pa ma batutu.! Rupabe.
7 Teba jahelo tafa remotu fitowe elo terimomo u-notere-eteteka pa ja-ana jaheloi pue-eka, pa tekoko Tata-fa keba jahelo nawo kelolepato jalelepa netenete.
8 Elokoko u-jahevefa tete-e-e, jahelo nawo wa lomaheveto, mepopeme pa mekopeme teba
9 pa noiau jahelou momepeko nave pewenono nomeme ba tototufua ko mepe bamuameme.
0 He Timotius, jateweni-i mawape huhufafa. Piti oi lemepememe pa tu ka pa jalelepa fawemotui teni jatenaruei,
1 kei tebakau naruete pa noi hupalanavei tepe-ete. Hupala heve watakoko-e.!