TIMOTIUS JANOKEKEI TEBA JAFEFENARUETE KEHALALA Tata letuke pinave kele ba tototu, tebakau notetumena potetete pa telala kebatefa pa tebate janarue kei omofa pate hupala balekeke tefa. Tei teba ipotetei tewenika, Tata jajo lelaira teni tetataka u-pinahevepa teba keji-i tea tata pa teba pitibamua tefijai tea tata. Kei jalelepa Tata lelai hevefa pa koura feka, anara terela pinahevepa, kei jalelepai Tata pifekepa kelole pa lupopopa. Kei jalelepai neonete te tebaletu nene, melepapa keba jano heveloi Tata Oke, jabamua tenarue hupala nave nene pa jabamua kenalupa telae wakotouawe. Huhuo pa teba huhu hohote emomopo. Nometupiko lupopoja mepememe. Janetenete fitowe keho motu, pa lupopoi jalelepa-pa, kei janiloko hemotu, heve uanetenetepa batototufua. Pitiwe bamua pa ewe tupapa. 0 Peanya jano nave nero pa ne-enapa, kei hupala nenewe newetete kotu Tata mole, neba Kelofefele, lopana teba keteji-i. 1 Jalelepa huhu ele-e pa enalue. 2 Baura meba hapa keloloka kei meale. Jari menapupu teba keji, piti meme, nopara meme, hupalaheve meme, mepa takoko pa memo tu-momo. 3 Jatalera, ko nilolole Ropu Tui efu polohae, ewehuhu pa enalue. 4 Pipate keke me-pepekapa jano mopo huhufafa, kei huhupa tewenite-me pa teba pohake nora tewefe. 5 Jalelepai mefu huhufa, mepa takoko u-memana tomepei uaa tebapa. 6 No memmei mewo fumeme pa jamenapumei mefumeme. Mepatakoko jalelepai, mepe naiau no-meme mebefufupe pa tebap mei teriete.