¹ Bamua na niwe rasul?Bamuana niwe atete ka?bamua na?luto nikalete Yesus,Tuhan nene? ² Baung teba hi ing niwe rasul ka,eing niwe,rasul.Hanara nopara meme moto Tata pei materui wa kerasulan nine. ³ Kawe niko eloko nenine nilete teba ni pitete. ⁴ Fena nene pa jejo pa paa nenunu? ⁵ Fena newe noti nene peumene se iman,newe na loma nene hanara rasul-rasul hing pa ,japa lala Tata pa Kefas? ⁶ Ni pa Barnabas nefa tenika neterifa e noja? ⁷ Ba,kelapa teba pite jaa tan be memewo,ba hehe anggur kewa pa?Jana pepe ke kaka?Pa bara ja ko keke kekalia?Pa no pepe kekuka? ⁸ Pi ni le kotowe pe hanara hupala neba hanara hukum Taurat pera hoho peta naia? ⁹ Papa wa hukum Musa ing ropo jafo kele ja ing pea Tata luto kekakimoto. ¹⁰ Hanara,neana peti ing japokole?Hanara keba hato keta kuile,hupala hefe pengirik kera pengirik ke lela,hupala hefefa ura mejana pepe mefofo na me pepe. ¹¹ Peanya hanara newe jale hefe newa Tata janoke nafa tawo umpa ne jano fitope hanara  e eing? ¹² Teba kau hah tete tehupala teri peanya ne ing hupala hefe bapale wa paa hanara hah ing ni rokate nete peapa pera pato ne jalelepa neweno,ura newe janopa feing,neteteka hanara fefe ing Injil Kristus pelewae. ¹³ Eloka na teba janore ete jeeg too rata paike te japa hefe tererete,teba jano reete jee mezbah te ing jako tete,terere mezbah jana pepe? ¹⁴ Hanaira Tata ke ing,kekoho kela teba injil teratu jaeko nepara tete ing hanara noparate te ing hanara Injil ing. ¹⁵ Peapa, ni jalelepa  ing keja ni hopa jano nine nilo hanara nepara nine,japo nilefa taka.Hanara nira jano  kefefa tete hanaira  ni ing baura mepa tapepe baura. ¹⁶ Hanara injil we pife pepe newe ni nanete pe ing kohora ka.Hanara Injil pife keke meme maka. ¹⁷ Hanara,peanya ja ing ni wofa jano nilekle.Hanara hupala niwe wo pea jano pepeing nia lelele.Jano ing nile,hanara hupala ni wo ka,pifeing teba jano hangte tewe ni jano nileele. ¹⁸ Hanara noia jana haa ni wewe le,jana nine ing kawe,"ni we hefe injil ni wahaele ni  jaka.Peapani hah nine niweka hanara Tata janoke nilele. ¹⁹ Bamua wo ni noafo te teba nawo ni nonino nileko,hanara bapo wa teba nawo ura ni teba nawo nihalo Tata hoke. ²⁰ Peanya,hana teba Yahudi ni hanara teba Yahudi ura teba Yahudi ni arere,fefe keke.Teba hupala tete moto hukum Taurat ,ni hanara ni lakole hukum Taurat,hanara ni laka hukum Taurat peanya niwe teba fa ing fefe tefibi teba lakete hukum Taurat. ²¹ Teba kau telaka hukum Taurat ini,ni hanara teba tela notete teteko,hanara hukum Taurat tela ka,hanara ni hukum Tata ni kule pe ing ni neniwe,nikole ni kole fefe Kristus  ura ni teba hefe ni nalo teba lahate hukum Taurat. ²² Taba no eku ing,ni rano nine nileko eku.Ura te ni alo efete rere,hanara niwe teba nawa niwe lelepa tete hanara ni te fefe ni nalo,teba pa wa te baing hefe tewe. ²³ Jalelepa we jano ni le ing hanara Injil ura ni ra jako nine nilela. ²⁴ Elokana taa ito pepa teba lelepa ing telapa tejata peapa ba alifa jana peweweto,peanya memata ing hefe ura mera jana mepepe. ²⁵ Teba teto,tera lapa pertandingan ing tela netete tefofof jalelepa tete naia u,japa hefe wowo pewope niwe Tata wewe wa Tata ke ke lehito jojo kato. ²⁶ Peanya,ni hata ing afi ka.Ni hanara petinju teba noroete afia note afia. ²⁷ Peapa ni noni no janina luko nihalalafa kanara kafa hoho Injil wahote teba kau,hanara ni wo ing tenaji.