¹ Ni puli umpa elolo jopa lala jobe nene nebanawwo,temete ato ko pepe pa,teba pa ing telijaa. ² Te hanara,tela Musa tebanawopetete(baptis)teke,atupa teke jaa. ³ Teba paing,jajo tetang jajo wo rohani, ⁴ tera pa teju pa fefe hatalafa teba teja ing ,pewa wuutu fefe  penako tea  fuuing Kristus. ⁵ Peanya,bamua wo  hanara Tata ke pu leka teba pa bapale wa te hanara teba paung tebi je lejaefa. ⁶ Jalelepa ing,lewa hanara jale pepe nenepa neja penaru ura punene ja fefe nelala ka,hanara po ing ja ing tete. ⁷ Peanya,hanara ne kebatifa nelalaka,hanara teba narara lakee tee,ropo nakote"Etahupa eba papa fa jajo eapa,paa ewuu pa ekalo fatapa,ewana pae." ⁸ Jano fefe hanara ja nole,hanara janopa ing teba narara,tete peanya  tebapa ing paupa,teba narara bii dua puluh tiga ribu orang. ⁹ Peanya epane Tata,nane o'o ka hanara,teba narara ja katete no tete pa teba ing teba i kowa. ¹⁰ Popo elele ka,hanara teba narara,la tebappeanya tejiko tebi peba fapa. ¹¹ Bamua janowe lewa no tete kihanara jale,japo tete ko hanara pi tanaru ko epane ua ba netene te we zaman akhir tejo. ¹² Peanya,hanara baru meru telelefa hupala pa ura me koko ka! ¹³ Jafefe tepa eto no nene ke ing jalelepa ing nafe ka.Pe te neba ing nafe nene perufafa kato bamua wo Tata keing batoto,peanya nekelufate ne,jafefe pe neba nafe nene perufa baing neba ja fefe petoni himpa nebawe loma kewele,nekene peng kaimpa newo  netopi  newe nunu. Peanya jopa lala hupala hefe ne,e wahana po rere kebati jafe lopaa ing mepapa ka. ¹⁴ Peanya jopa lala hupala hefe ne ewahana  po,rere ke bati jafe lo paa ing mepapa ka. ¹⁵ Ni,piwe nikete hanara,teba hefe pea hupala elolo jaa ua ni tete e. ¹⁶ Peaanya,hanara jaa janawo pepe,bo pepe newa janawo pepe pe ing tewala Tata hi ke,Kristus?Papa hao ne bate nebante we,nerote ali,wala nepara kristus? ¹⁷ Pe hanara hao ing ali,pa neba hanara nawo pa nepara ali  neba pa ing ne jako nero hao ali ing. ¹⁸ Mefofo teba pa Israel hanara,netete peanya te ing jajo tetang po terenite,tera jako tereni wa ra paa? ¹⁹ Ja,teko mehope hanara piti ing?Hana rerenite tebeta peanya ja u?Pa keba tefa ing ka ali? ²⁰ Pe ka.Ja ni lete ing piha naro terenite tebate jahefe terenika Tata,pe ni onefata e leti ali tebate. ²¹ E bapa ing paja Tata ke,er are paja,keba tefa ke e jako ka,eta huhu Tata era tahuhi keba tefa ka. ²² Peaumpa epa neteko Tata hupala keke fee na?Hanara,newe nafe wa hanara ke? ²³ Jalelepa,bamua pa hanara jalelepa ing,neteko le wawa,bamua pa pe hanara tewenaho. ²⁴ Mebaura ,jana mejukone,meme wo,peapa neba toho wowo,nejoko teba keaura. ²⁵ E jajo ing ea ala jeta tete ete jetepa,jatiti pa peing telafoka  peanya hupala tewowo te. ²⁶ bamua ing fitopo jalelepa moto ing pe ing keba jaba Tata. ²⁷ Hanara,me bato mene Tata kefelaka,ropo ing te mepe,jajo ing terefu teni ko,memama melafofoka,hanara hupala rowo. ²⁸ Hanara teba tenite me"Mi jajo tebate memama ka,hanara kea,piti ing kelote me,"Kimpa hupala meme ro wo na. ²⁹ Hanara,nilete meing,me one hanara meome ki koto hupala  memefo,pa hanara meome pekoto huapla teba kau? ³⁰ Ni waele,hefe bapale wo,hanara jui nika,jano nah teba teni fee,teni ni jajo ing peapa ni Tata hefeke pinile? ³¹ Bamua wa,me ja memana,pa memuna,jano hiung  mepe mepe na,jano ing mepeko,hana nawofa tawo ura Tata pinotang. ³² Peanya,e jalelepa eleko teba tefete haba,teba Yehuda na,teba Yunani na,hanara jemaat Tata, ³³ hanara nira,ni leko teba pa hupala tete,wa ja lelepa pea hanara,ne nine wofa ka,pa hanara nike ko,tebakaura teba  pa ura te hefe terere mepeke mepapa ni we,hanara niwe laku le Kristus.