Pasal 11

Wowa teume nojate

1 2 Niwe e pinilele hanara jalelepa e hanara nifa e mo to nefe eroro pa peng elele hoho nike pepele wate eh. 3 Pa ke ing nupuli ehoho we elolo,bamua ing teba hana teba le ing te. 4 Kristus pa rebe teune ing,keba leng pa rebe te Kristus  ing Tata fefe papa kebale hupopo ja kellela reba roh kepo ing Tata kenaki. 5 Peanya,hanara teume rebe tepopo ote ing pera hanara peume fapepo tere. 6 Hanara peume tebe pepe pepopo ope ing,penuko,taa pepe ing te mini hanara,peume ong lomona peanya taa pepe,terena tejana,peanya robe pepe ing ropapo. 7 Kebale ing robe ing kepopo ka,ke ing pe kelo tete Tata.Peume ing robe ing pe hefe pi penote kebale. 8 Pea kebale ke ka,peume ka,peume nya pewa kebale e. 9 Kebale ing kelela ka peume pa peume ing kelelako,kebale. 10 Peanya peume pe noja pefa rebe tukolo hanara teba fapa(malaikat). 11 Peanya nepara Tata ke ing pewofa raka,kebalera lala hanaira kebale newofa ka,peumera ing. 12 Hana halalafa,peume pewa kebale te,hanaira kebale ing peume kopeto jalelepa ing,pewa Tata. 13 Pea mehupala mepepe bamuana peume wo popo ja,petote Tata robe ro pepo ka? 14 Bamuana fitowe pewo nokoto fee lewawa kebale hana keta kakawaleko,kafeng peapa,peume ing pe jahefe wa nopepe ta kafe ing wewe pepo robe pepe. 15 Hanara hefe wa peume ta pepe kafe ta ing hanara keweleto teume robo pepolo. 16 Hanara teba kau,hetejo kaipa ni na tebapa Tata ke na ha hanaya ing nemoka.

Kebiasaan Yang Salah Dalam Perjamuan Malam.
17 Wate ropo japo tete ing,niwe epi hefe ni lolo kale,peanya ropo japo teteing ja hefe tewenika,pa ja fee teweni. 18 Bamua hanara lopana leni late hanara elo te ali pa e teheki wowo pa,hoho ing hanara,atale panako hahoi nile. 19 Pa,hanara keba faing tebakau hupala wowo ura nefofo ba pe hanara peroko te bape nafpororote. 20 Hanara elolo le pehara eloko perjamuam Tata. 21 Bamua wo poo ing teba teko jano tetata lo jajo tete wowo ura teba kau heke pa teba kau tahato. 22 Bamua na  e paka, ura jajo pa  paa ehu,na e lomo ele jemaat  Tata  pa eleko teba soka teba japaka,jara ne lolo era,epi ne lolo?kawe epi ni leka? 23 Peanya,ja ni nalulu mepele mama peanya ni lo wa Tata Yesus  ropo ba ke teke nite ha oo kewe. 24 Pa kewepa janawo kewale Tata,haoo kebali  popo pa ke note kawe nenine Niweta eba nawo,janopa wea eleko Ni e o naomo. 25 Hana ira ke paja kekjakaka lo pa kelo,"pajawe perjanjian baru pe ma kelela hi nini  mepenaifa bang ne memumupe mema me ni me ong. 26 Fepa pang pa hanara bang ne haomema pa pa memu,kei hanara pife kewa fea Yesus wakoto ketete bafea. 27 Hanara mebaira hupala fe pa haoo paa ninemu Tata ke nole kele,nopa pahi haoo. 28 Peanya,eba toho nopara eeing uji nepe pe kampa me haoo pa pa ing memumu. 29 Bamua ba haoopa pa ing keku pa kolete kawe nopara Tata ke,ke nolekele no keke. 30 Hana inga teba nafa no eko pa tenee,pa nawo tebi. 31 Hanara,no mene ahanete rere ing peheto ne wewe kati. 32 Bamua rere ing pi wa Tata te keing nejakelali,ura epena rere newe no halalafa tala fitowe,. 33 Peanya,jopa jala hanara eloko jaeaale memeko teba kau ra telala. 34 Tebakau teheki hefe ing jatetang petete ura eloko e rere tewefefe. Pikau ing,neto pipi hanara niloung.