^{3 1} Uawe hanara hefewah tatanipule jopa lala hanara elo ja bamua. ² Elopa poo efolaka Tata e hupala eo kapa teturote tebate lopoo. ⁴ Peanya jalelepa moto neo nene pa Roh ing ali. ⁵ Pa,jalelepa-lelepa jano nerente,Tata ali. ⁶ Pa,jalelepa-lelepa lewaeto pa Tata keing ali,kea jalelepa-lelepa ke leleale teba tete. ⁷ Hanara kewelete teba teho,ja hefe ing untuk tebapa telepa. ⁸ Kelele,teba too bapake,hanara ke pekele na hoho kele jahefe hanara tebakau Roh ra ing kea karunia ing pekepa jahenalu. ^{10 9} Kebali ing Roh nafe kewele ura me jalepa menapu teba kau,hanara kewe le untuk petete na huhu tetete Roh pilake teba kau ing karunia kewele ko hoho pepe to ing hoho tete. ¹¹ Hoho lelepawe Roh ali inga kea jano leile.Kea hoho kenalu teba toho hana kewofa ja kepuling nya.

¹² Hanara,neo we ali pa lelepa motowe kangka moto nowo fa ta dan kangka moto nawofata pa noing aling,hana ira Kristus. ¹³ Niwe Roh ali neba lelepa hanara teba Yahudi pa teba Yunani japaka teba japa te ing patehee te leja nepara ali,neba tupa we ne pa nene nenu wah Roh ali. ¹⁴ Nepara we pe kang ali ka,pa pewa kang kang. ¹⁵ Hanara tae kelenawea hanara niwe noo,no ing nikere ku,Bamua na ,ke no ing ke kati ka. ¹⁶ Hanara lee penute niwe luto ni no ing ni kera ka,Bamua nya ke no ing ke ke tika. ¹⁷ Hanara nee topa ing luto kene le nepe?Hanara notupa loo kene nupa? ¹⁸ Tata kewelete nebatupa teba oofe tetewowo jang tete moto noo ing hanara ke puleng. ¹⁹ Wa tupa ing hanara kau ali?kene ra noo tupa ing? ²⁰ Bamua wo,nowe koka mato pa hanya noo ali. ²¹ Peanya,looto keletiti noo niwe meing puling ka!Pa robe kelete tae!Me ing ni,puleka!" ²² Peanya,wa noriri kau pe hanara eku wo pa pea ke puli. ²³ Hanara no riri no fote pehara hefeka,kimpa epene hefefa nenaroru pa noriri nefate heferaka umpa epane pe luto nena nimomo pea, ²⁴ peai pe puleka hanara haa hefeing Tata jano hele hahofa kefuko pe hanara ferokawo pee,lelepa keka kemoto kefa, ²⁵ Hanara jafefe pe lewawa ka,nopara nene peanya ketepiko pete lewawa ali. ²⁶ Peanya,hanara ne leu paa notopa pera hapa nojaa,hanara ali hefe,peta no fupa pewena kapafa. ²⁷ Eba,tupa ing Kristus kee,eba toho hanara riri pepe. ²⁸ Tata kelulo teba narara teba nawo teremote(jemaat)lopana ing hanara rasul hanara nabi,pengajar,hanara tekau jehafo tereka fepo kejiko teba noe teba robe jano robe pila peta eto pila Roh ke. ²⁹ Temete na,Tata teng rasul,nabi,nah teba janaru ete?Tera jahefeng  tera rano ing tera hoo? ³⁰ Teba nee,teteko tera neha ee nah pila teteete Roh pilaka na te ke na no too pepe. ³¹ Peanya eloko jahefe mema muko jahefe ing me pepe hanara moto to nya niwe ni loma ni naluko pekoto tofea.