¹ Bau ni hoho nile teba pilatena malaikat pinate,pa hanara niwe nonine pupate ka,ni hanara to be nakako tihamba pa,hepa pa teko fepoke. ² Hanara bau ni jahefe nile ninaho pa pitinila,pifeniwaha,jalelepa wemoto,mepepa,moto hupala,meme huto meme hupala memeing mepeko peing wera fifipa,me pupate memeing ko meing hupapung fefa ta wo. ³ Peanya hanara,ni jalelepa moto niwe,nikoleko ra kaka pa,nepara nine newete ratete peapa kanahra niwe,pepate nine kaing hetaeraka. ⁴ Pipate ing hefeng pupate ing hupala hefeng ke hupala fefe meka,pupate ing nomeme pi mepepe ka, ⁵ peanya pe neaja  penopepa pengokoto,pe teba lomo petoka pi fefe tebate perowe hupalaka, ⁶ kewenaka ka hanara hafefe nawo hanara kewenaka faile ing ja bamua wa fa. ⁷ jalelepa ing keleleng bamua kekale,hupapung kelelete,kewo hupala nememe pemule befa. ⁸ Pepate pe kaka kato piti ing pewakotepe pila Roh ing pera wakote pe jalelepa moto hupala meme,letoto. ⁹ Bamua wo hupala nene tepika,pife mema me peing leteto tepika. ¹⁰ Peanya,bapepe petopi ing petoju,petopi kaing peleteto ¹¹ Poo ni hanara teako uaing ni hanara teba bapale ni hupala hana teako nile jate. ¹² Hanara uaing nefofo tampaja bale nene hanara leng pa tepate,piong ne tahapataha lekara, uaing nefotaka pa bang hefe epane taha nalatete uaing taha hefeha baing pe hefefeto,hanara niwo tefijang. ¹³ Peanya,jana heto we,hanara hupala hefeng mepepete Tata,pa pupute wah jahefe wa hanara pupate.