¹ Mema ja me hefe pupate mepeko jahefe mepeno meme,lopana hefe hanara pi feng. ² Ba,pi feing Roh pilake,pi feing keleko te teba ka,pa pi feing keleko te Tata baura pi ing kelolaka;hanara Roh wofa pii kele topa pa wemoto. ³ Ba,pefeing kele kimpa pii,kelekote teba te kelete pikenato pa epi kele. ⁴ Hanara ba pi tikelana Roh pilake kene keke kewe ete pa ba,pife kele ke teba nawo(Jemaat). ⁵ Ni pule umpa ebapa piele Roh pilake fana tote ing pina keke enaloe.Teba pife tewetu jaete ing te, hefe pate hanara teba pi tetela Roh pilake,peapa hanara keba ing kera,kenalu ura tebapa ing tejalo. ⁶ Peanya jopa lala hanara nilopa hanara Roh pilake nile ing pe ing hefena meka,melafo hanara ni hoho ing,meniloka Tata petieke, mepepe menapu hoho mepe? ⁷ Hanara halalafe hana jalelepa keteka,pa penawa hanara suling pa kecapi tenaneko teba teri jaramena tela suling pa kecapi  ing teriri hanara te hituwe pe na pepe wowo. ⁸ Hanara nafiri na pepe pewenaru ka?Ba nopara pepe penaroro. ⁹ Peanya,hanara eba kau Roh pilake ele ing,hanara ehoho enalu ing hefe tofofo honane teba ing teriri ja uang pi mepe-mepe tonane ura tera riri,pina meme ing afia wo,mepeko fee wekati ¹⁰ Nawofa tawo hanara nawo pila moto fitowe hana impa ali ura napepe halafa ing feka. ¹¹ Bamua hanara nileka itopepe pila ing ni hanara niba papa,hanara kea pila kelo,peanya niwe niba papate,hupala keke. ¹² Hanara,ewo,eenako jahefo mepo,wa Roh nawo pepeing ekako jemaat etopipi. ¹³ Peanya ba Roh pilapa ke lupopoja ura ke hefe kelako hoho ing mepe teba kau. ¹⁴ Bamua hanara ni lupopo ja nilena roh pila ke peapa hanara lupopo nei ing roh nine pea lupopo ja peto,peapa hupala nine pa hipopoja nileka. ¹⁵ Peanya ja ni lele?ni lupopoja nilela hupala nine,pa nira jara mena nilela nepara nine,jaramena nile roh nine,pa nira jara mena nilela hupala nine peni lola,nepara nine. ¹⁶ Hanara me janawo mepete Tata wa roh meme tenane teba teto,lotelala teninawea,"Amin,"pea wa ja hefe meme pi mepo peapa pe kelona? ¹⁷ Hanara hefe meme ing bapale wo,kepi mope kira teba kau,te mepitete teba kau mepoete maka. ¹⁸ Ni janawo ni wate Tata hefe keke ni pinile roh pilake nawo nile hana eba kau. ¹⁹ Peanya epane lo,ali pa ni nawo ing Tata pi nile piti napa nilete elolo umpa teba kaura jaenalulu hanara nawo fata piti elalae roh pilake. ²⁰ Jopa lala hupala eleko hanara teako hupalate jafe eleleka eleko hanara teba huhu hupalate. ²¹ Tata hohoke japo tetekoto,"Tetekote teba papafa pila tete hii!Wa lao teba papa ni hoho  ni lele,teba pawea pa teriri kafa tawo Firman Tuhan." ²² Peanya ja hefe kewele me roh pilake hefe mepe ko teba Tata tefija foka,pa teba Tata tefija kafe terai ja hefe ing kewelete hanara ja menapu Tata hoho ke mepe teri pehara teba Tata tefija ka,teba Tata tefija ka ing tea hoho ing teriri. ²³ Hanara tebapa tupa telopa telolopa teba oofa roh pikake tete ing hanara teba pelo teke to ing Tata tefija ka,teninite teba pa ing tahato na? ²⁴ Hanara e'piti elae,pa teba Tata tefijaka,tekete teba hahira pi,ing teripa teju ete tebanawo. ²⁵ Hupala wemoto peto ua a peto tolewaao,peanya hete kepapa Tata pa ke lolo'Bamua"Tata kemule hoo.