¹ Bamua wo jopalala nileko e ennomo Injil hoho nileleka te e ing pa ewe pa ito pepe ing eru telele nafe eruru. ² Peapa Injil epane kekofate peanya uaing nafe eruru hanara pifekeke niloile e ing peapa hanara e afia wo e bamua. ³ Bamua wo ja bamua neleko te elolo peanya ja niwe fa nile hanara Kristus kewa pa kewa ing nele epane nene dosa hapapafa hanara ropo keke nukoto, ⁴ ke itete kelefuto bang heto halalafa ropo ele nukoto(Kitab Suci). ⁵ bainga ketine keke kenalu Kefas kerati nekenalu dua belas te akokeke. ⁶ Hanaipa keti nokenalu teba paa,lima ratus jopa lala wakote uawe tekau temete pa teba narara wa te ing tebi. ⁷ Keralaura keti nokenalu Yakobus kerati nokenalo rasul. ⁸ Peapa lelepa ing no kenalu nia hanara teba kohapa petaha a pa kii paka. ⁹ Bamua niwe nibe nole fee wa rasul nawo ing peanya nibawea teba nawo,niji te tebi jemaat Tata. ¹⁰ Peapa hefe wa Tata niwe nibe melo hanara newete,pupate keke ke weleheto afia ka,hana ira ni pelo jano nafe nile wate teba nawo nika pa,jahefe keke Tata welele ni totang kele. ¹¹ Peanaya niana teba nawo na,hana ira ne ja nenaru peanya e Tata efe la.

¹² Raneu pifewe newe nana Kristus kele futo wa tebabi tenane ebafa ing teba kau ni hoho ka?teba bi ing televoto. ¹³ Hanara teba bi ing telefuto ka ing,Kristus kera kelefuto tokale. ¹⁴ Kimpa hanara Kristus ke lefuto ka,kimpa afiawo pife keke newa nenete hana ing ra hupla hefe. ¹⁵ Nawo pepe ing o nefa nefe Tata ke ing neteto te kea keteko Kristus kelefuto,peapa bamua keleko kelefato,hanara piti ing bamua teba bi telefuto toka. ¹⁶ Hanara bamua teba bi telefuto ka,kimpa Kristus kera kelefuto ka. ¹⁷ Hanara Kristus kelefuto ka,kimpa afia wo hupala e eing Tata moka pa hupala e'e mofo nole meme. ¹⁸ Peanya,teba ing tera lekute fefa fawa teba hanara teba bi ing hanaira te luha teba te bi nopara Kristus. ¹⁹ Epane nepara nenewe nerete te nefe keke Kristus umpa newe ne hafia wo,wate teba kau. ²⁰ Bamua wo ing Kristus kelefuto wa teba bi lofo ke ing kebahu te teba bi. ²¹ Peanya hanara baikewa wali te kebaali,hanaira baing petoto keba alia. ²² Hanaira tebanawo bi telopa fitowe hanaira tebana wa telefuto halalafa Kristus. ²³ Teba o'o fa ke aha kele:Kristus hanara jana lopana peapa teba ing Tata tebake poo kuu ketololefea, ²⁴ Bapepe teju ke fujewe kewe lete reke poing fitowe keleko te lu haha meba fito rohe ne bapale pa nafe meme. ²⁵ Keba jaba long kekeko fitowe kebarobe hanara Raja keba bapale wakote Tata teba fefe kelei tae tukolo keke. ²⁶ Keba fe batefa kejite luhaha ing ke pewo pe. ²⁷ Peanya jalelepa ing pe pa ing kelofu tea tukolo keke.Hanara kelolole jalelepa pepa tukolo fefe kejaa kewo lefahete tukolo tae Kristus peing kete ka. ²⁸ Hanara jalelepa ing,kelekote tepa tukolo Kristus kimpa kewo hanara koke ke,kewo no keke kepapa kewo jalelepa keleko tepa tukolo keke Ura Tata ke jalelepa kelela no i keke. ²⁹ Hanara peka jahefe teba janopa teba patee tewa teba bi,hanara teba bi telefutoka?Jatoko tepule patehehe ko teba bi? ³⁰ Nera ing jatoko no nene nenane hi jafe lewa wato? ³¹ Jopalala fepa papa nonine hapape fa keba tefa,hefe bapala Ekere kole Kristus Yesus Tata nene,pea nilo jawe bamua. ³² Hanara,pi pepe moto teba niwe nienako hano,jako kapate hanara tepane bekone Efesus jangi hefena wa nonine hanara teba bi telefato ka?Kimpa elo ne janapa panene pa feing newuwuti. ³³ Ehahaka eholi ja fefe ing pe jahefe petakueto." ³⁴ Ehelilipa emolowe,none eleleka taba fa-u Tata tefijaka.Peanilo ura ebarokaka.

Nopara Pelefuto

³⁵ Peapa teba kau teho witete,"Tenoneko teba bi ing telefuto pa nepara ha pa telefuto? ³⁶ He eba topa! ³⁷ Jale i mepe ing pe ing ka,pa jato we roka hanara gandum too nah jakau. ³⁸ Tata kewele no ung hanara pukeke le kewelete jale too o'ofa pewo ee to. ³⁹ Napepe fofo halala fa ka,nore neba peii pa nora jako pera hii nero taako perahi noro me perahi. ⁴⁰ Nopara nenewe surgawi pa nopara fitowe pa fefe nepara surgawi pe hi pa nopara fita pepe. ⁴¹ Fefe batoto ro keke hii pa fefe batoto kee pepe fefe haa kau. ⁴² Hana ira hana teba bi telefuto pejate lewa pa kelefuto hanara,nepara nafewo. ^{43 44} hanai ira mepoja fito nopara pe,kelefuto hanara nepara fefe ke,hanara pe ela fitope kimpa nopara fefeba totope. ⁴⁵ Hanara ropo nukoto keba lopana Adam kelela neba nopara.Kimpa Adam pewe king kelela roh nafe kewele. ⁴⁶ Lopana keto ing hanara fefe ka,pa uang keto ing fefe ko. ⁴⁷ Keba lopana keka hato teba nopara keba kehitu ing keka surga. ⁴⁸ jalelepa kelela ing peha lala fa hanara teja hatote.Pa jalelepa wa ho hito ing pe hanara hefe wa surga neto hanara keba ja lela ing. ⁴⁹ Hanara nebawe nepara fitope nefa mofo,pe hanara neba nepara wa hoo surga pea nehehete. ⁵⁰ Jopa lala ja wea nile no eepa hii pe jeka Tata paike ja fefe ing pepa pejeka,pa ja hefe ing pelewa jee hefe. ⁵¹ Bamua wo jahefe nulolo me,piti wemoto neba we newuwu fata kato pa nonene ke leko tampi keleko nafe, ⁵² ba ing teju luto nene lee naka umpa ke ing ba pe:benaka umpa teba bii telefuto pa nopara tete ing le tete kato pu nebapa ne,nelefuto. ⁵³ Teba taku ing te hefe pa teba bi ing telefuto.te bi bi kate. ⁵⁴ Peapa teba fefe ing te hefe tehepa teba bi ing tera lefuto tebi bi kate,ura Tata pitike pilewa hanara Firman Tuhan japo petoko maut kekapute fefebatoto ke jakoto. ⁵⁵ Maut,kene hefe batolo memeing?Maut kene nafe meme ing?" ⁵⁶ Nafe meme pa maut ke ing nole meme pa nofe melepepe pe ing hukum Taurat. ⁵⁷ Hefe Tata ke bapale wo oke bila kewe ete oke Yesus Kristus Tata nene. ⁵⁸ Peanya jopa lala Tata bapa ke,eruli ing nafe momo eletete ka,jano elo wenakapa faeli,Tata notike elopara nopara moto Tata jano meme ing jana jujuto,letete kato.