Pasal 16
Mepepe Tebapa Teba Yerusalemp
1
Hanara taimbe neloko teba hohate jano elola hoho pepe naru moto,ni naluko teba pa mete Galatia.
2
Bang nopana lewaeto peanya ewowo elole hanara pung meme jahaha moto mepeka meofumo mepete momo pea meme ura meme pepe pa,mejano ing mepo ni lele me.
3
Ku ing teju teba po ung ni,fifile ropo nilekote Yerusalem mepopo ja mepepe peteto.
4
Peapa,hanara hafe nira rerele peanya telepa lala ni.
Rencana Paulus
5
Ni lele e le ni haha jaware Makedonia ni hare jaa Makedonia.
6
Pa,Korintus i ni leele bang lelang ura e ni elapa nira loma ni lohahale.
7
Bamua ua ing e lutofa ni lala kale.Pea nile ni lapa epa ne tenene,jaa hawea hanara Tata pule umpa.
8
Ni leele Efesus ko bang pentakosta.
9
Hanara kawea,ba nawo ni jano nawo ni leele jano bapale wo,pa hefe wo hanara teba nawo ote.
10
Hanara Timotius kete eumpa eleko ke nopa ura keleile e hoo wuwu ke kefufuka,ke ing Tata jano ke keleile,hanara niwe.
11
Peanya,baura ke lera keba eko elepa ke loma ewe ura ke lo kekale hefefa,ura kera pena ni lolo.Ni kawe ke nihoele,ketetele,telepa jopa lala kaura.
12
Hanara lala Apolos lalafa nifaha kepa jopa lala kau teto ete fefe pa ke oke fata ketete oke uawe.Hanara bang hi i ketoto le.
13
Ne metopi meme,nafe meruru hupala nene nemepeko hanara tebale nafe meruru.
14
Jano lelepa mopela popate.
15
Jopa lala elona Stefanus tepa pai keke teba lopona tereni Tata Akhaya netete,terenite jano hefe Tata bapo keke,
16
peanya hupala hefe momo teba pa ne tereni jano keke,tereete.
17
Ni pule Stefanus keto,Fortunatus pa Akhaikus tebafa tetepi ja nileko paka.
18
Tebafa ing ni hupala nenewe tetopi epa niwe.Peanya teba hana ing pii elo lo,jano hefefa elele.
Tabeja
19
Tabeja me pepe wa tebapa tete ete Asia bapa Akwila,Priskila tebapa mete papa tete,tenito tabeja nawofa ta.
20
Tabeja niwelelte wa jopa lala tebapa elote bau te teba kau ebe pepe hefe.
21
No nanewo japo nile tabe jawe wa Paulus.
22
Ba Tata pupate keleka rempapi keweko kole!Ketetele.
23
Kasin Karunia Tuhan Yesus Kristus menyertai kamu.
24
Kasih(Pupate)meme ing me pefe teba paing ua bang we bati keke Yesus Kristus