¹ Hanara,jatiti tereni,kebatefa pei nerota hoho hana ing tepate teba no tere ete hanara hefeing,nya,oinafe. ² Peanya hanara teba tenira ke hoho ing pa wakoto bang pepe jan kelo ,hoho kelo uafa kekako ti hoho keleka,tenana hohoi kelekote hope. ³ Peapa,teba pung moto Tata keing Tata kefela. ⁴ Jatiti renita kebatifa pa nena,peing nere:Keba tafa,keleika fitowe,Tata hingka,Tata ali Tata yang Esa. ⁵ Hanara ja teni allah hanara,surga na.Fitowe bamua allah nawo,pa tuhan ra nawo,hanaira. ⁶ Epane ing,Tata nene alifa heing Ai.Wa kepa jalelepa lewa kepa newe nepara hefeng.Tata nene ahi:Yesus Kristus ,wa keing pa jalelepa kelela wa,keapa ne hefe nemoto. ⁷ Teba nawo,hupala ing melea,tebakau hanara hupala tete,pe a peto,bate pa bama.Jatiti tentang pe terenite kebatifa.Hupala tete eka hupala teteing tewepete lopate. ⁸ Jajo ne peropo tete nelala kate Tata.Ne ja paka,nenapa neuntung netete kali,hanara hupala tete eka hupala teteing te watepe lofate. ⁹ Hopala koko hanara janalepa pe hanara lewa wu tea teruji,hanara teba no eko. ¹⁰ Hanara,teba etefo me hupala hefeng pa mepemo pa,ja memame pe hebatefa paike.Bamuanya teba hupala hefeng pa ekuing nafe teweni jatititereni me me pe tereni kebatefa? ¹¹ Hanara,lemaing,pa teba noaja jopa lala,peapa Kristus kewa,hanara hupala pepana, pea mepe. ¹² Jano fefe mepe jope,lala meme hupala tete mepeko,pio huto tete eko me baia nole mepe Kristus. ¹³ Peanya,jojoing pe hanara wu late roji wa jopa lala nene ni wana ifa ni jatiti ni kaka kale,ura ni wu lateroji tea jopa lala nene.