¹ Ua we,pieleko moto japo eleko te niwe;Hefeng nifo hana tebatle,hanara ke mpo,keleka. ² Peapa hu nio fe kototo percabulan peanya,hefe teba le ing te wowa ehate pa teume ing tera pahate wo wo. ³ Peanya,kebale ing kejahefe kelekote eke kelowo hanara ing peume pe tete pang pe pepe wo. ⁴ Peume,pe no pepe ing pepe wo penunu kato,ke ing pape ke.Hanaira kebale ke nekekeing kekewo kelele kale,ke ing eke pe. ⁵ Eh no hamba e wate teka,peing hanara ena kelepa piali umpa jo kapa enake bang ewewo hupopo ja enake le.Kampa ena kepolo lelopa ra,ura baing ia elopa uraa keba tefa ekole be leka,hanara enafe kana. ⁶ Pi ing ni lote pe hanara pee peni note ing jano niwe leka. ⁷ Peanya hana hefe ing hanara teba lelepa hana ni.Ura tewowo terere Tata fefe keke wo,keu fefe ing kekele teeba kau hi. ⁸ Tewa teba upoteka pa teba roro ni note hefe te hanara ni le ele we. ⁹ Hanara te nafe ka umpa upo tete,hefe upotete.Hanara nerete tute he loma fe ing. ¹⁰ Teba upo te ing ni kah ni kah Tata ura eume ing kebale me pofafa ka, ¹¹ Hanara tenake kekofaing peume ing,upo petotoka nah pewofa teeto tenake pai tete pipi kebale ing peume ing ke wetafilete ka. ¹² Ebakau niwe Tata ka,mepete Hanara teba u peume lopopo hi ing peume ing,tena kelepa memete umpa jopa lala ing peumeing keweta fitete ka. ¹³ Hanara peume ing pe kebaleng lopopo tena kewowo pa,tena ke lopa teete umpa,kebale ing memofafaka. ¹⁴ Kebale ing diselamatkan te peume,peume ing pe diselamatkan uan peuenu kebale,hanara jalewa ka ing teako tena ke teing te ako loma fe pa uaing teako hefe tuu. ¹⁵ Teba ing Tata tefeju kai tepu kah,o tehafate.Wah lom awe ing jopa lala e a teteka pea Tata e keleko eho loti ali pa kefo pi netenene. ¹⁶ Tonaneko ke ing memofahe meume?Pea hanara fefe bebepe pemeing?Pa tenane mefepepeme ing tenako fefe menapu eme ing?

¹⁷ Peapa newowo hupala penute Tata jakoke hanara,po mekele te Tata kawe ing pi niluko lewatupa jemaat. ¹⁸ Hana kebau keteni ko ketotangli tete peumpa kepapa ka tangling ke na lulu oke luu pepe ing hanara keleko mepe pa kali tete ka ing afia.Hefe ing Tata hukum keho keke Tata? ¹⁹ Hana tangli tetena tete ka?Pe ing ke afia.Hefe ing Tata hukum keho keke Tata. ²⁰ Peanya hefe teba teho keka ing loma wowo hanara poo kete te Tata. ²¹ Meing hanara me ing bapo hanara mekoko mepo?Pe ing hefefe hanara me kuu meme keleto,me ing,nele kekofa ing,baing mepe hohofa. ²² Hanara keba bapoi keloko tetelo Tata janoka keke,e ing teba pipepeka hupala moto Tata.Jano ka keke pe ing teba pi peka hupala moto Tata hanara teba hope ka keleko teto Kristus teing bapoha ke. ²³ E jeta kele pa jakefu teka,peanya eing ba po teba mepepe ka. ²⁴ Jopa lala hefe ing eba te ho wowo elakoko  koo ka wa Tata.Peapa nig padai le hanara niwe ho kenaluko jano keke ne ele hefe keke wa,Tata. ²⁵ Uang we teba au teing pee keloko koo ka,waa Tata.Peapa nig pihile hanara niwe ho kenaluko jano keke neele hefe keke wa,Tata. ²⁶ Ni hu nieng nawea bangka uawe hefe wa neba nelakoko ja balewaing. ²⁷ Ja mehupala koto peume na?Jalelepa me peko enape wowo me amepekana peume ing?Peume hi ung me juju ka? ²⁸ Hanara upo mepepe,menole ka?Hanara peau upo petete?pe nole petoka,peapa teba hanarai netete tatakikite.Peanya nipule e ing jahana ing e lewawa ka. ²⁹ Jopa lala pe nilo bang atale peanya bang jong we teba ekate ing,teteko hanara te ehate ka, ³⁰ pa teba fetete teteko hanara feteka,teba fena kaite teteka hanara tewena ka ka,teba jetata teteko jai tereka ja ji taja. ³¹ Pea hoho pepe teba fito jape teremoto hanara jalelepa ing terijaka harana fito foni te pe ing letoto . ³² Ni pule ing hipala e eing efufu ka eba teume ka e taha e eing momo Tata tenaheko Tata jano e eing ke pule. ³³ Teba ehate pa eing hupala fefe jajamo hoho moto fito tena neko jano hefe jano hefe kelele ebae, ³⁴ Peanya hana impa hupala keke kekolo lolo.Teume up tekapa teau hupala tete ing terenite Tata ura nopara teteing toto hana fefe peume upe,teupala pepe tekoto fito petonaneko pipenunu  pape pepe. ³⁵ Neleea teba nopara e ewowo,pe eing loma nipe ka fatawo hefe bapake ee,peanya pena w wo to ja bamua pa hefe Tata janoke ekla teba e teti riri ka. ³⁶ Peapa hanara bau kelera hanara kejau keleko fe peba ang u,pe ba ang u- ing hanara peba ufa;bamua-bamua pe upo petoto hefe tena ke umpo tete hanara penuh pepulai umpa jalefa ing pee nole peroka. ³⁷ Hanara bau ke faka ko ja ing kele bamua,bamua hupala pa bamua mehupala mepeko peanya mepoko bamua fo nafe keke pikekuba po  kelele keke tena peau jano hefe petoeto. ³⁸ Peanya keba peau jahefe peto pa teba hanara upo keleka tena peau jahefe wo petoeto. ³⁹ Peume peatete pa pape ing ke mol hanara pape kewa.Pe wo pe upo petoto na,bapewawetona perawo hupala pepe peanya keba Tata kelako lee. ⁴⁰ Pa hanara, ni lo ing hefewo hanara peafia te eto Nira hona wea nira fefe nine Roh Allah.