Skou.123-skv_1co_text

Pasal 6

koho Mejuju Teba Tata Tefija ka

¹ Hanara mebaing pihope kelipa teba hipa menememe,mepeko hanara me bamua menapo teba fefe. ² Mepe kano teba fefe ing fito tewe rope,peanya hanara kehoni moto nomeme hiingpa ime ing nafe na pihope moto we memofa. ³ Elo kana epane teba fopa pi pepe moto no nene,fepa papang. ⁴ Hana ipa eira,teba pite etopipi le?Pi ing elo lete teba kau tete pipi . ⁵ Piwe nilete ura eba roka tebakana eba uing pung efee nya ke pi pepe ke tepii jopa lala te. ⁶ Motonya jopalala kebang loma bamua ke nale jupala teba kau bamua lewa teba Tata tefijaka! ⁷ Hanara pipepe pemofo eba teho pa teba kau pe hanara nafeka?Pe hanara mepete fee wa nee,jatenya e noee etakuku eoe jatoko,epuli jaka?. ⁸ Peanya erawo hefe enaluka,pa erawo eleho,japaka.Pa janopa ing,ea leko jopa lala meme. ⁹ Eloma teba-teba teba-teba hupala feing te je hefe jako kerajaan Allah?Teririe kate ehahaka teba utahe hupala tebate berzina,banci teba lopato. ¹⁰ teba jeta jana mete pamoju lomo pa bako omofa,teba pa ing,te jako terere kate,Tata paike Kerajaan Allah. ¹¹ Teba narara E bapa tejato pa e noe eing,elele tejojo fefe hetiti e fefe bamua bati keke Tuhan Yesus Kristus pa Roh Allah nene.

i Pii kenalu Hupala fefe Elujate

¹² Jalelepa ing hapapa wa nenine pa pera nawofa hefe jaleu hefe wa no nine niwelefe bapo lewa jaleu. ¹³ Jajo ing te huto hoho ing jajo ne pe hitu lelefa pemoho Tata,nememe jafefe pa pepeta Tata pa Tata ina uae no mene. ¹⁴ Tata keleko Tuhan kelefuto kea nera kelefutotole nafe kekepa. ¹⁵ Mepa kena no meme ing lelepa ing keke Kristus hanara bamua na? Kang Kristus ke niweko niwele pelacur jano ing? lewawa leato. ¹⁶ Elo ka na ba ne meme amepala,peume lele,enape no ali pea ropo ele nukto,eba hitu ing elete nopara ali. ¹⁷ Pa ba nokeke akele la Tata ke ing roh ali tena Tata. ¹⁸ Aoo memanahomba percabulan nole u,teba.Lewa pefe teba janopa fe ing,nole kelene keke wo. ¹⁹ Melekana na meme ing pan Roh Kudus ke momo lee nei,meme epa neno Tata peanya no ee ing ee wo ka? ²⁰ Newe jeta kele ka kefo pa makele,peanya nopa ra meno ing Tata mebepa pi me pera no meme!