¹ Teba pa ing teri lopopo paa ing janopa ree eleko,koto pai jalewa ing,janopa lewai,fefota,pe nahara jai lewaka,teba papa fa,teba Tata tefija ka,hanara ke bau tena reke eke kike lopa lewee. ² Lupana eba noo enalo me pi mepe leana weaja tameme pa teba janopa fee,fe ing elohana,poong rere,hambafea hoo wuwu ee. ³ Hanara noo nine enileka,pa hanara roh nilo,hanara niloo keing rere niwef feffele,teba janopa,feteing. ⁴ Bang,ne no netolo epa ne lopa nafe Yesus Tuhan nene. ⁵ Kebaing neke teti bati Tuhan Yesus nekete (iblis)keba tefa ura,nekeke pang ura roh keke ing di selamat kan bang Tuhan. ⁶ Nemepeeteing fee mefo pa kana.Atale u ragi i o menapu ing,pe e' eto? ⁷ Ragi toto moto ing mepa jang te ura e' oh nati tenaru ing,pea efoe.E ing ragi hi moka?Peanya koa keke domba paskah,kera tejii keing Yesus Kristus. ⁸ Elo,epa ni wene kafa ele,ragi toto ing ka,ragi nola pa fee ra ka,pa haoo(roti)anara ragi,pe wa hupala hefe pa bamua. ⁹ Ropo nineing japo nile te me ura teba janapo fefe ing elala ka. ¹⁰ Hanara pi neleing hanara teba janopa fefete ing wa fitong we,na hanara teba janana mete na,oo mefa,na,teba lakete keba tefa,hana impa,teba paing fitowe tememe ka? ¹¹ Pa ropo japo nileko te ing,teba hana ing elala ka,hanara bamua wo teni eing jopa lala tete,teing teba nole janana kebatifa lomo pameju efa teba hanaing mepapa kafa tawo,opa mepa jua eaa ka. ¹² Peanya hana,nafe hapa teba ing keho niweii teba teete pefea?Peanya newe teba teete jemaat nenewe tea ko ho newe lite?  ¹³ Teba teete jemaat pelo teing Tata wofa koho keweiile.Ehaju teba jano fefe teete hohowowo eeing.