Pasal 4
Tata ke ing Keba Ali hakim
1
Hana ira tea ne telafo ete,hanara Tata bapohake ,jano kewele ito pepe wemoto Tata.
2
Peanya keleko bapahake jano ing tere kefote hefa peanya te pikelo.
3
Nikaleto atale fata napepe hanara niwe elafote lena,wora ni lafoka.
4
Bamua wo tekepa lafofo te.Peapa hanara niwe hefe teninite kea ni kelafofole Tata.
5
Peanya teba kau jano tete mela fofo ka,bang keke uafa tetele,uafa waeto uafa bang Tata tetele.Fefe kekejahito jalelepa wemoto lopalo ke kalete ja koto hipala keke.Ura ne wowo pii ne roro wa Tata.
Nomepa koo
6
Jopalala pitiwe ni leko,nonipa Apolos netote ea ura elakoko janopa nene,janenaruja hafa jana pepe mepepa,hoo mepufafaka japo tokoto,nepora meme pii mepopo ka,mepeko kebaali fa tebakau ka.
7
Ba,ni me ing hefowa jahafa moto meme peing me pe ka?Jakoto no meme ing pii mepepe hanara mepeka jaing mepeka?
8
E hula e leko ja lelepa pa!Ne,ene la kara ewa raja hanara hefe,bamuana eba tete peanya nera lapa nelopa neba tete.
9
Peanya,hupala ni neing Tata keleleto newe,para rasuljee ing kowa tawo,hanara teba hukuman tebibite;hanara newe telejako jahoho tete ete fito we teba faapa pa neba.
10
Newe topo hefeng nela Kristus pa e ing hefe ekale Kristus ne no eku e nafekoko e hefafa newe neaja.
11
Wakoto bang wea newe ne hulu,koti opii ne bafa ne tejii ko nenapa ki po nete.
12
Newe noja rere,hanara ne bala tete te berkati nete hanara ne teji ing.
13
Hanara tenaji teing pina hefe netete ne.Hanara nole wa jahelo lelepa wakoto ua bawe.
14
Ropowe japonileko eba ro kaka kato kewe,pa nikleko eeing pinile ing e hanara teako nini hefe wo.
15
Hanara bamua-bamua wo,hoho tenaro te Kristus.Hanara ai na wofa ta ing ka,peanya niwe Yesus Kristus,ni lela ai meme ing injil ne wahakote me po.
16
Peanya e ing nile ura elakoko loma nine we.
17
Peanya ni neko kebaing keti me Timotius kera ko nine epi bapale kelakole Tata.E ja kenalo nepara ee ing elakoko Yesus Kristus,hanara ni janina lo te jemaat wowo.
18
Peanya,hanara teba narara neterearo tenira niwe eing ni lolo kale.
19
Nile e,ni fofofle hanara Tata kuu kewele umpa ura nileko teba noo naruete pei kapa nafe tete nya.
20
Bamua,Tata apike peing hana hoho kapa pelewa piti keke.
Kuasa Perkataan
21
Jaa ing epule ni halatiropa na?Ni hala hopala hefe na?Ni hala epi pa?